Kwamamaza

Obama yasabye ko imitungo y’abateza umutekano muke mu Burundi ikomeza gufatirwa

Yanditswe kuya 10-11-2016 saa 21:11' na Mukaneza M. Ange


Barack Obama yasabye ko umwanzuro wo gufatira imitungo y’abantu bose bafite uruhare mu mvururu ziri i Burundi, iri muri kiriya gihugu ukomeza gushyirwa mu bikorwa.

Mu ibaruwa yandikiye Perezida wa Sena n’Umutwe w’Abadepite muri Leta Zunze Ubumwe za Amerika, Obama yabasabye ko Iteka nomero 13712 ryo ku wa 22 Ugushyingo 2015 rikomeza gushyirwa mu bikorwa na nyuma 22 Ugushyingo 2016.

Ubusanzwe ingingo ya 202(d) mu mabwiriza arebana no gushyiraho ibihe bidasanzwe, iteganya ko birangira mbere ho iminsi 90 ku itariki byatangarijweho, Perezida akabinyuza mu nyandiko ya Leta, Federal Register , mbere yo kumenyesha Inteko Ishinga Amategeko niba uyu mwanzuro uzakomeza kubahirizwa.

Mu ibaruwa igaragara ku rubuga rwa Perezidansi ya Amerika, White House, Obama avuga ko impamvu ibi bihano bizakomeza ari uko ubwicanyi n’urugomo rukorerwa abasivili ndetse n’imvururu za politiki bikomeje kuba imbogamizi ku mahoro, umutekano n’umudendezo mu Burundi.

Yakomeje agaragaza ko kandi binateje ikibazo kidasanzwe ku mutekano w’igihugu n’amahame mpuzamahanga Amerika igenderaho.

Mu bafatiwe ibi bihano umwaka ushize barimo Minisitiri w’Umutekano, Alain Bunyoni n’uwungirije Umuyobozi Mukuru wa Polisi y’Igihugu, Godefroid Bizimana.

Aba biyongeraho Godefroid Niyombare wahoze akuriye urwego rw’ubutasi na Cyrille Ndayirukiye wahoze ari Minisitiri w’Ingabo ndetse n’abandi biganjemo abari mu nzego za gisirikare n’abatavuga rumwe na Leta.

Barack Obama yasabye ko imitungo y'abagize uruhare mu mvururu ziri mu Burundi yakomeza gufatirwa

[email protected]


Kwamamaza

Kwamamaza
IZINDI NKURU WASOMA
TANGA IGITEKEREZO

ANDIKA ICYO UTEKEREZA KURI IYI NKURU

AMATEGEKO AGENGA IYANDIKA RY'IGITEKEREZO CYAWE:
Witandukira kubijyanye n'iyi nkuru; wikwandika ibisebanya, ibyamamaza cyangwa bivangura; wikwandika ibiteye isoni,
Wifuza kubona byihuse ibivugwa/ibisubizo ku gitekerezo cyawe, andika email yawe ahabugenewe.
Igitekerezo cyawe kigaragara nyuma y'isuzuma rikorwa na IGIHE.com
Ibi bidakurikijwe igitekerezo cyanyu gishobora kutagaragara hano cyangwa kigasibwa, Murakoze!
ANDIKA ICYO UTEKEREZA KURI IYI NKURU
Kwamamaza
IBITEKEREZO
Join Us

Socialize with Us
Contacts

Marketing
4546
Editor
078 827 26 21
Management
0788 74 29 08 / 0788 49 69 15

Emails: [email protected], [email protected]

Website Developped by

Uru Rubuga Ruheruka Gushyirwaho Amakuru Saturday 10 Ukuboza 2016
Copyright © 2009 -2014 - IGIHE Ltd - All Rights Reserved