Kwamamaza

Nyuma y’intsinzi ya Trump, California yatangije urugamba rwo kwiyomora kuri Amerika

Yanditswe kuya 11-11-2016 saa 14:29' na Jean Pierre Tuyisenge


Leta ya California irashaka kwiyomora kuri Leta Zunze Ubumwe za Amerika, ikibazo gifashe indi ntera nyuma y’aho Donald Trump wiyamamarizaga mu Ishyaka rya Aba-Républicains atsindiye amatora akaba Perezida wa 45 wa Amerika.

Muri iyi Leta hatangijwe ubukangurambaga hanashyirwa HashTag ku rubuga rwa Twitter yiswe #Calexit ishyigikiye ko iyi Leta yiyomora kuri Amerika.

Mu matora yabaye ku wa 8 Ugushyingo, 60% by’abatoye muri iyo Leta bari bashyigikiye Hillary Clinton watsinzwe.

CNN yanditse iyi Nkuru ivuga ko Urubuga rwa Internet rwakoreweho ubwo bukangurambaga ruvuga ko California yihagije mu bukungu. “Calfornia irakize kurusha u Bufaransa, ifite n’abaturage baruta aba Pologne, California ntijya ihangana na leta 49, ahubwo ihangana n’ibihugu mu nzira zose.”

Izina ryahawe ubu bukangurambaga rya #Calexit risa n’iryahawe ubw’igihugu cy’ u Bwongereza igihe cyashakaga kuva mu Muryango w’Ubumwe bw’Ibihugu by’i Burayi mu minsi mike ishize kuko bwitwaga #Brexit.

Mu minsi yashize hagaragaye ubukangurambaga buvuga kuri iki cyemezo, ku mugoroba wo ku wa Gatatu ni bwo bwongeye kugaragara ku mbuga nkoranyambaga zitandukanye, ababishyigikiye bavuga ko bashaka amatora ya kamarampaka mu mwakwa wa 2019.

Ayo matora azaba asaba abatora guhitamo niba California ikwiye kuba igihugu cyigenga ukwacyo . Ni amatora azarangira bimenyekanye niba iyi Leta izakomeza kuba kuri Leta Zunze Ubumwe za Amerika cyangwa ikaba igihugu ukwacyo.

Hari abavuga ko ibi bishobora kugorana ndetse bakabibona nk’ibidafite umumaro.

Uwahoze ayobora Intara ya Texas, Rick Perry yasabye ko iyo Leta yakwigenga mu mwaka wa 2009, gusa ibyo nta gaciro byahawe.

Nyuma y’intsinzi ya Donald Trump mu mijyi irindwi itandukanye habereye imyigaragambyo yamagana ibyavuye muri ayo matora, bamushinja urwango, ibinyoma n’ivangura.

Leta ya California, imwe mu zigize Leta Zunze Ubumwe za Amerika, ifite ubukungu buruta ubw’ibihugu byinshi ku Isi kuko mu mwaka wa 2015 yari ifte umusaruro mbumbe ungana n’amadolari miliyari 2 448 , umuturage waho yinjije amadolari 63 763, ni ukuvuga ko ku isaha yabarirwaga amadolari 10. California ifite abaturage bangana na miliyoni 38,8 .

Ibihumbi by'Abanya-Carfornia bashyigikiye ko iyi leta iba igihugu cyigenga

Kwamamaza

Kwamamaza
IZINDI NKURU WASOMA
TANGA IGITEKEREZO

ANDIKA ICYO UTEKEREZA KURI IYI NKURU

AMATEGEKO AGENGA IYANDIKA RY'IGITEKEREZO CYAWE:
Witandukira kubijyanye n'iyi nkuru; wikwandika ibisebanya, ibyamamaza cyangwa bivangura; wikwandika ibiteye isoni,
Wifuza kubona byihuse ibivugwa/ibisubizo ku gitekerezo cyawe, andika email yawe ahabugenewe.
Igitekerezo cyawe kigaragara nyuma y'isuzuma rikorwa na IGIHE.com
Ibi bidakurikijwe igitekerezo cyanyu gishobora kutagaragara hano cyangwa kigasibwa, Murakoze!
ANDIKA ICYO UTEKEREZA KURI IYI NKURU
Kwamamaza
IBITEKEREZO
Join Us

Socialize with Us
Contacts

Marketing
4546
Editor
078 827 26 21
Management
0788 74 29 08 / 0788 49 69 15

Emails: [email protected], [email protected]

Website Developped by

Uru Rubuga Ruheruka Gushyirwaho Amakuru Saturday 10 Ukuboza 2016
Copyright © 2009 -2014 - IGIHE Ltd - All Rights Reserved