Kwamamaza

Ni inde Perezida wa 45 wa Leta Zunze Ubumwe za Amerika?

Yanditswe kuya 8-11-2016 saa 17:07' na IGIHE


Miliyoni zisaga Magana abiri nizo zemerewe gutora hagati ya Hillary Diane Rodham Clinton na Donald John Trump umwe muri bo akaza kuba Perezida wa 45 w’iki gihugu kimaze imyaka 145 kirangaje imbere Isi mu ngeri zose. Ni igikorwa cyatangiye kuri uyu wa 8 Ugushyingo 2016.

Mu gitondo cyo kuri uyu wa Gatatu ahagana saa moya nibwo ibyavuye mu matora bitangira kumenyekana nyuma y’amezi y’ibikorwa byo kwiyamamaza birimo guhangana, gutukana, gushinjanya ibyaha binyuranye n’ivumburwa ry’amabanga atari yarigeze amenyekana arimo n’ubusambanyi.

Amatora ya Perezida wa Amerika aba buri myaka ine, kuwa kabiri wa mbere w’Ugushyingo, ariko iyo uwo munsi ubaye ari ku itariki ya Mbere, amatora aba kuwa 8 Ukwakira, aho abaturage muri Amerika baba bihitiramo ugomba kurangaza imbere iki gihugu cy’igihangange ku Isi.

Abanyamerika bari mu Rwanda bamaze gutora

Ambasade ya Leta Zunze Ubumwe za Amerika mu Rwanda ivuga ko ibarura abenegihugu bayo bagera ku bihumbi bitatu baba mu rwa Gasabo. Muri bo, 60 bayishyikirije impapuro batoreyeho kugira ngo izohereze muri Leta bakomokamo (bibarurijemo).

Hari n’abandi bagiye batora bitewe n’ibigenwa na Leta bibarurijemo. Harimo abatora bakohereza urupapuro rwabo binyuze kuri email cyangwa mu buryo bwa Fax. Hari n’abandi batoye bifashishije uburyo bw’ikoranabuhanga binyuze ku mbuga za internet ndetse n’abaherukayo vuba basize batoye.

Uko byifashe kugeza ubu

Muri Leta Zunze Ubumwe za Amerika, mu mijyi itatu yatoye saa sita z’Ijoro, muri leta ya New Hampshire mu wa Dixville Notch; Hillary Clinton yabonye amajwi ane mu gihe Trump ari abiri, naho umu-Libertarian, Gary Johnson abona rimwe ndetse umwe atora Mitt Romney nubwo atari mu bahatana.

CNN yatangaje ko muri Millsfield naho batoye saa sita z’ijoro, Trump yatsinze ku rwego rwo hejuru n’amajwi 16 mu gihe Clinton yari afite ane, naho umwe mu batora ku rupapuro rwe yandikaho Bernie Sanders utari mu bahatana.

Clinton yaje imbere ya Trump gato cyane muri Hart, aho yagize 17 naho Trump akagira 14, Johnson abona atatu naho Sanders ahabwa abiri.

Uko batora

Umukandida ku mwanya wa Perezida ubonye amajwi menshi muri leta imwe, ahita ahabwa amajwi yose abarwa y’abatora bagenerwa iyo leta. Urugero niba nk’umukandida atsinze muri leta yitwa Venmont ibarirwa abatora batatu, umwe akabona muri rusange amajwi 4,100,103 undi akabona 4,100,100, utsinze atwara byose agahita abarirwa ya majwi atatu undi akagira zeru.

Muri ayo majwi bisaba ko ugomba gutsinda agira 270, amajwi amuhesha ubwiganze buhagije bumuhesha kwicara muri White House mu myaka ine iri imbere, bivuze hejuru ya kimwe cya kabiri cya 538.

Kanda hano usome uko amajwi abarwa

Abantu benshi bazindukiye ku biro by'itora ngo bahitemo uzasimbura Obama
Perezida uzatorwa azatangira akazi kuwa 20 Mutarama 2017 ubwo Obama azaba asohotse muri White House
Hillary Clinton yatoreye mu Mujyi wa Chappaqua i New York
Hillary Clinton yari kumwe n'umugabo we Bill Clinton
Bill Clinton ubwo yari ari gutora umugore we

Kwamamaza

Kwamamaza
IZINDI NKURU WASOMA
TANGA IGITEKEREZO

ANDIKA ICYO UTEKEREZA KURI IYI NKURU

AMATEGEKO AGENGA IYANDIKA RY'IGITEKEREZO CYAWE:
Witandukira kubijyanye n'iyi nkuru; wikwandika ibisebanya, ibyamamaza cyangwa bivangura; wikwandika ibiteye isoni,
Wifuza kubona byihuse ibivugwa/ibisubizo ku gitekerezo cyawe, andika email yawe ahabugenewe.
Igitekerezo cyawe kigaragara nyuma y'isuzuma rikorwa na IGIHE.com
Ibi bidakurikijwe igitekerezo cyanyu gishobora kutagaragara hano cyangwa kigasibwa, Murakoze!
ANDIKA ICYO UTEKEREZA KURI IYI NKURU
Kwamamaza
IBITEKEREZO
Join Us

Socialize with Us
Contacts

Marketing
4546
Editor
078 827 26 21
Management
0788 74 29 08 / 0788 49 69 15

Emails: [email protected], [email protected]

Website Developped by

Uru Rubuga Ruheruka Gushyirwaho Amakuru Wednesday 7 Ukuboza 2016
Copyright © 2009 -2014 - IGIHE Ltd - All Rights Reserved