Kwamamaza

New York: Abantu 29 bakomerekejwe n’igisasu

Yanditswe kuya 18-09-2016 saa 13:54' na Niyonsenga Schadrack


Mu Mujyi wa New York, mu karere kitwa Chelsea, kuri uyu wa gatandatu haraye haturikiye igisasu gikomeretsa abantu 29 abandi bakwira imishwaro.

Kugeza ubu ntiharamenyekana icyateye iturika ry’iki gisasu ryabaye mu ma saa tatu z’ijoro, gusa umuyobozi w’agace ka Chelsea, Bill de Blasio, yatangaje ko ntaho gihuriye n’iterabwoba.

Umuyobozi ushinzwe umutekano muri New York yatangaje ko mu bantu 29, umwe ari we wakomeretse ku buryo bukomeye , gusa ngo abenshi ni abakomerekejwe n’ibisigazwa by’iki gisasu n’ibimene by’ibirahuri.

BBC itangaza ko hari abatangaje ko iki gisasu cyaba cyaturikiye aho bashyira imyanda.

Iki gisasu ngo kikimara guturika, abantu bahise bakwira imishwaro ndetse Polisi muri uyu mujyi ihita itangira gufunga inyubako zimwe na zimwe.

Umuyobozi w’akarere ka Chelsea, Bill de Blasio yagize ati “Mu bimenyetso by’ibanze dufite, ni uko iki cyari igikorwa cyateguwe, ariko turifuza guhamya ko nta kimenyetso kigaragara dufite ubu ko gifitanye isano n’iterabwoba."

Abashinzwe iyubahirizwa ry’amategeko (Law Enforcement) bavuze ko hari ikindi cyuma babonye gicometse kuri telefone gusa ngo inzego z’umutekano zahise zigikuraho nta nkomyi.

Chelsea ni kamwe mu duce dusirimutse two muri New York, aho utubari twaho dukunda kuba turimo abantu benshi cyane muri weekend.

Umukandida w’ishyaka ry’aba-démocrate ku mwanya wa Perezida wa Leta Zunze Ubumwe za Amerika, Hillary Clinton, yatangarije abanyamakuru ko bari gukorana bya hafi n’ubuyobozi bwo muri New York ku bijyanye n’iki kibazo.

Yagize ati "Mu by’ukuri dukeneye gukora igishoboka cyose tugafasha abari mu butabazi ndetse no gusengera abagizweho ingaruka n’igitero. Nzabivugaho byinshi nitumara kumenya icyabiteye.”

Ubwo Donald Trump yari ari kwiyamamariza muri Leta ya Colorado, mbere y’uko polisi igira icyo itangaza kuri iki gisasu, yatangarije abafana be ko igisasu cyahise kizinywa.

Iki gisasu gituritse mu gihe muri uyu mujyi wa New York hategerejwe inama y’Inteko rusange y’Umuryango w’Abibumbye izaba ihuriwemo na Perezida Barack Obama ndetse n’abandi bayobozi bakomeye ku rwego rw’isi, ku wa kabiri w’icyumweru tariki 20 Nzeri 2016.

Umutekano wahise ukazwa muri aka gace

Kwamamaza
IZINDI NKURU WASOMA
Ifoto y’umunsi
2016-09-27 08:20:56
TANGA IGITEKEREZO

ANDIKA ICYO UTEKEREZA KURI IYI NKURU

AMATEGEKO AGENGA IYANDIKA RY'IGITEKEREZO CYAWE:
Witandukira kubijyanye n'iyi nkuru; wikwandika ibisebanya, ibyamamaza cyangwa bivangura; wikwandika ibiteye isoni,
Wifuza kubona byihuse ibivugwa/ibisubizo ku gitekerezo cyawe, andika email yawe ahabugenewe.
Igitekerezo cyawe kigaragara nyuma y'isuzuma rikorwa na IGIHE.com
Ibi bidakurikijwe igitekerezo cyanyu gishobora kutagaragara hano cyangwa kigasibwa, Murakoze!
ANDIKA ICYO UTEKEREZA KURI IYI NKURU
Kwamamaza
IBITEKEREZO
Join Us

Socialize with Us
Contacts

Marketing
4546
Editor
078 827 26 21
Management
0788 74 29 08 / 0788 49 69 15

Emails: [email protected], [email protected]

Website Developped by

Uru Rubuga Ruheruka Gushyirwaho Amakuru Tuesday 27 September 2016
Copyright © 2009 -2014 - IGIHE Ltd - All Rights Reserved