Kwamamaza

Muri Werurwe 2017, u Bwongereza buzatangira kwikura muri UE byemewe n’Amategeko

Yanditswe kuya 2-10-2016 saa 15:39' na Philbert Hagengimana


Minisitiri w’Intebe w’u Bwongereza, Theresa May yatangaje ko bagiye gukora ibishoboka byose ngo icyo gihugu gitangire urugendo rwo kwikura mu Muryango w’Ubumwe bw’u Burayi mu buryo bukurikije amategeko.

Mbere y’Inama y’abagize ishyaka rye, Minisitiri w’Intebe May yatangarije BBC kuri iki Cyumweru ko bagiye gutangira gukurikiza ingingo ya 50 y’Amasezerano ya Lisbon, igena uburyo igihugu gishobora kuva muri uwo Muryango w’ubukungu ugizwe n’ibihugu 28.

Yagize ati “Mu ijambo ryanjye ndaza kubabwira ko tugiye gukurikiza ingingo ya 50 mbere y’impera ya Werurwe umwaka utaha.”

Mu gihe byaba byumvikanyweho neza hagati y’u Bwongereza n’abandi banyamuryango ba EU, ukwikura muri uwo muryango bishobora kumara imyaka ibiri, ngo ibyo bikazatuma icyo gihugu kiba ‘mu busugire busesuye” nk’uko Minisitiri w’Intebe Theresa May yabigarutseho.

Kuwa 23 Kamena uyu mwaka ni bwo Abongereza batoye ku bwiganze bwa 52% icyemezo cyo kuva mu Muryango w’Ubumwe bw’u Burayi, mu gihe abatari bashyigikiye uyu mugambi batsindiwe ku majwi 48%.

Nyuma y’ayo mahitamo y’abaturage binyuze muri kamarampaka, David Cameron wari Minisitiri w’Intebe yahise avuga ko hakenewe amaraso mashya mu buyobozi ngo haganirwe byimazeyo ku kwivana muri EU.

Yagize ati “Ntabwo ntekereza ko byaba byiza ko nkomeza kuyobora igihugu cyacu mu cyerekezo gikurikira.”

Ibyo byahise bikurikirwa no kwegura kwe, maze ahita asimburwa ku mwanya wa Minisitiri w’Intebe na Theresa May.

Minisitiri w’Intebe w’u Bwongereza, Theresa May aganira na BBC kuri iki Cyumweru

Kwamamaza

Kwamamaza
IZINDI NKURU WASOMA
TANGA IGITEKEREZO

ANDIKA ICYO UTEKEREZA KURI IYI NKURU

AMATEGEKO AGENGA IYANDIKA RY'IGITEKEREZO CYAWE:
Witandukira kubijyanye n'iyi nkuru; wikwandika ibisebanya, ibyamamaza cyangwa bivangura; wikwandika ibiteye isoni,
Wifuza kubona byihuse ibivugwa/ibisubizo ku gitekerezo cyawe, andika email yawe ahabugenewe.
Igitekerezo cyawe kigaragara nyuma y'isuzuma rikorwa na IGIHE.com
Ibi bidakurikijwe igitekerezo cyanyu gishobora kutagaragara hano cyangwa kigasibwa, Murakoze!
ANDIKA ICYO UTEKEREZA KURI IYI NKURU
Kwamamaza
IBITEKEREZO
Join Us

Socialize with Us
Contacts

Marketing
4546
Editor
078 827 26 21
Management
0788 74 29 08 / 0788 49 69 15

Emails: [email protected], [email protected]

Website Developped by

Uru Rubuga Ruheruka Gushyirwaho Amakuru Sunday 4 Ukuboza 2016
Copyright © 2009 -2014 - IGIHE Ltd - All Rights Reserved