Minisitiri w’intebe w’u Bwongereza yashyigikiye ambasaderi wanenze ubutegetsi bwa Trump

Yanditswe na Sekamana Mathias
Kuya 9 Nyakanga 2019 saa 06:23
Yasuwe :
0 0

Minisitiri w’Intebe w’u Bwongereza, Theresa May, ashyigikiye ambasaderi w’iki gihugu muri Leta zunze Ubumwe za Amerika Kim Darroch wagaye ubutegetsi bwa Perezida Trump.

Ni nyuma y’uko Perezida Trump atangarije ko atazongera gukorana na Sir kim Darroch mu gikorwa na kimwe, akanibasira Minisitiri Theresa May, avuga ko ashimishijwe n’uko u Bwongereza buzabona munisitiri w’intebe mushya.

Yanenze May ko yananiwe kugira icyo akora ku mugambi w’u Bwongereza wo kuva mu Muryango w’Ubumwe bw’ibihugu by’Uburayi, Brexit.

Theresa May yabwiye abaminisitiri bagize guverinoma y’u Bwongereza ko Sir Kim Darroch, azakomeza imirimo ye kandi ko ibyo Trump yamushinje nta gatotsi byateje hagati y’ibihugu byombi.

Yabwiye kandi abiminisitiri ko nta kosa na rito u Bwongereza bwakoze mu gushyigikira Ambasaderi wabwo, yongeraho ba Ambasaderi bafite umumaro wo kubwira guverinoma uko ibintu bimeze mu bihugu bahagarariyemo u Bwongereza.

Lord Hague usanzwe ari umuvugizi wa Minisitiri Theresa May yagize ati "U Bwongereza bufitanye umubano mwiza na leta zunze ubumwe za Amerika bishingiye cyane cyane ku mateka yacu y’igihe kirekire, ibituraje ishinga twese kandi niko bizahora”.

Yasabye kandi abaminisitiri kwihangana no kureka kuzamura ibintu, bakabikomeza kandi byoroshye.

Uyu muvugizi ariko uyu munsi yabwiye ikinyamakuru Today cya Radio4 ati “Ntabwo bishobra kuba raporo nziza kuri ambasaderi uwo ari we wese.Nihagira itangazo basohora risaba ko asimbuzwa, bizakorwa.”

Christopher Meyer wahoze ari ambasaderi w’u Bwongereza muri Leta zunze ubumwe za Amerika akaba n’inshuti ya Sir Kim yavuze ko yizeye neza ko ari ubugambanyi bwakozwe n’abashaka ko inshuti ye yasimbuzwa.

Yagize ati "Birigaragaza ko ari umuntu ushaka ko yirukanwa kugira ngo umwanya we uhabwe abafite aho bahuriye n’uwo mugambanyi.”

Kuwa mbere izi nyandiko zikijya hanze, ibiro bya minisitiri w’intebe byari byavuze ko bitemeranya na ambasaderi w’u Bwongereza niba koko yari yabikoze ariko byongeraho ko bimufitiye icyizere cyuzuye.

Trump yikomye Kim Darroch wanenze ubutegetsi bwe

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE

Kwamamaza

Kwamamaza