Mali: Al-Qaeda yigambye igitero cyakomerekeje abasirikare b’Abafaransa

Yanditswe na IGIHE
Kuya 15 Mutarama 2021 saa 08:31
Yasuwe :
0 0

Umutwe w’iterabwoba ushamikiye kuri Al Qaeda ukorera mu gace ka Sahel uzwi nka GSIM wigambye igitero cyo ku wa 8 Mutarama cyakomerekeyemo abasirikare b’Abafaransa batandatu.

Ku wa 8 Mutarama nibwo umwe mu bagize uyu mutwe akoresheje imodoka ye yari irimo ibisasu yitambitse iyari itwaye ingabo z’Abafaransa ubundi arabituritsa. Iki gikorwa cyabereye mu gace ka Arbanda kari hafi y’umupaka uhuza Mali na Burkina Faso.

Mu itangazo uyu mutwe w’iterabwoba washyize hanze, wavuze ko wakoze iki gikorwa kigamije kwereka u Bufaransa ko bukwiye gukura ingabo zabwo muri Mali.

Riti “Turashaka kumvisha Guverinoma y’u Bufaransa n’abaturage babwo ko tutitaye ku mbaraga bafite, ko butazashobora gutsinda ubushake bw’abantu bwo kuba mu bwisanzure. Nibadakura ingabo zabo hano bazabona ibitero bishya kandi bifite ubukana buri hejuru.”

Kuva mu Ukuboza iki ni igitero cya gatatu imitwe y’iterabwoba igabye ku Ngabo z’u Bufaransa hari n’icyahitanye abasirikare babwo babiri giherutse kwigambwa n’umutwe wa Jamaat Nusrat al-Islam wal-Muslimin (JNIM) nawo ushamikiye kuri Al-Qaeda.

Uyu mutwe w'iterabwoba ushamikiye kuri Al-Qaeda wa GSIM wigambye ibitero byakomerekeyemo Ingabo z'u Bufaransa

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE
Kwamamaza

Special pages
. . . . . .