Kwamamaza

Leta zikize n’izikennye cyane muri Amerika

Yanditswe kuya 19-09-2016 saa 10:40' na Jean Pierre Tuyisenge


Ibiro bya Leta Zunze Ubumwe za Amerika bishinzwe ibarurishamibare ku wa gatatu w’iki cyumweru, byashyize hanze ibyavuye mu bushakashatsi bw’umwaka wa 2015 ku bijyanye n’abaturage, bwagaragaje ko impuzandengo y’ibyinjira mu ngo z’abanyamerika yazamutse ikagera ku madolari 55,775.

Ubwo bushakashatsi bugaragaza ko nta Leta n’imwe yagaragaje gusubira inyuma. Leta 39 zazamutse mu buryo bufatika ariko 11 zo zagumye ku rugero zariho mu bijyanye n’ibyo abaturage binjiza.

Ikinyamkuru 24/7 Wall St cyashyize ku rutonde Leta 50 kigendeye ku mibare igaragaza ingano y’umusaruro winjira mu ngo z’Abanyamerika. Ingano y’ibyinjira ku mwaka iri hagati y’amadolari 75,847 muri Leta ya Marland ikize cyane n’amadolari 40,593 muri Leta ya Mississipi ikennye cyane.

Leta zikize cyane muri Leta Zunze Ubumwe za Amerika zigiye zifite ibikorwa ngengabukungu zihuriyeho. Urugero, abantu bo muri Leta zinjiza cyane usanga zituwe n’abantu bize amashuri ari hejuru cyane. Muri Leta 17 zavuzwe ko zifite abaturage bafite ubukungu buhanitse, usanga amashuri yazo yaragize uruhare mu guteza imbere igihugu ku kigero cya 30.1%.

Ubwo bushakashatsi bwagaragaje ko Leta zigaragara nk’izikennye ngo abaturage bazo bahabwa ibicuruzwa na Serivisi ku giciro cyo hasi ugereranyije na Leta zifatwa nk’izikize.

Urugero, ngo Serivisi n’ibicuruzwa bihendutse kugera ku 10.3% muri Leta ya Marland ugereranyije no mu zindi Leta. Muri Mississipi, ibicuruzwa na Serivisi birahendutse kugera kuri 13.4%, ugereranyije n’impuzandengo y’igiciro cy’igihugu cyose.

Kugira ngo hamenyakane Leta zikize n’izikennye, zifite ibyo zinjiza bike cyangwa byinshi, 24/7 Wall St, yifashishije imibare yavuye mu bushakashatsi bwavuye mu kigo cy’ibarurishamibare cya Leta Zunze Ubumwe z’Amerika,Census Bureau’s 2015 American Community Survey (ACS), bwakozwe harebwa imibereho y’Abanyamerika mu mwaka wa 2015.

Izikennye cyane

5. Kentucky

• Ibyinjira mu rugo: $45,215
• Abaturage: 4,425,092
• Ikigero cy’ubushomeri 2015: 5.4%
• Ubukene: 18.5%

Nkuko bimeze muri Leta nyinshi, ibyinjira mu ngo zo muri Leta ya Kentucky ni $45,215 ku mwaka. Byariyongereye ugereranyije n’umwaka wa 2014 aho ibyinjiraga mu ngo byari $43,014.

Gusa ngo nubwo ibyinjira byiyongereye, abaturage baracyakennye ndetse n’ikigero cy’ubukene kiri kuri 18.5%, ikaba Leta ya gatanu ikennye cyane muri Leta zose zigize Amerika. 23.3% y’abakuze muri iyi Leta bafite icyiciro cya kabiri cya kaminuza, umubare basanga ukiri hasi cyane ugereranyije n’ahandi.

4. Alabama

• Ibyinjira mu rugo $44,765
• Abaturage : 4,858, 979
• Ikigero cy’ubushomeri 2015: 6.1%
• Ubukene: 18.5%

Alabama ni imwe muri Leta zikennye cyane muri Amerika, ikagira 44,765$ yinjira mu rugo rw’umuturage waho, gusa ngo yariyongereye ugereranyije n’uko byari byifashe mu mwaka wa 2014 aho byari $42,895.

Nkuko bimeze mu zindi Leta zo muri Amerika, Alabama ifite ubukene buri ku kigero cya 18,5%. Ibindi bibazo bigaragara muri iyi Leta, harimo ibura ry’akazi, n’umubare ukabije w’abantu usanga bashingiye Imibereho yabo ku biribwa byo mu rugo gusa.

Umwaka ushize abangana na 6.1% nta kazi bagiraga, ikaba Leta ya munani ifite umubare w’abashomeri benshi muri Leta Zunze Ubumwe z’Amerika.

3. Virginia y’u Burengerazuba

• Ayinjira mu rugo: $42,019
• Abaturage: 1,844,128
• Ikigero cy’Ubushomeri 2015: 6.7%
• Ubukene: 17.9%

Abatuye Leta ya Viriginia y’u Burengerazuba binjiza mu ngo zabo amadolari ibihumbi 55,775. Abaturage batagira icyo gukora n’abirirwa biruka bashaka akazi, ni bamwe mu batuma ikigero cy’ibyinjira muri iyi Leta kijya hasi.

Muri iyo Leta abagera kuri 6.7% ntibagiraga akazi, kikaba ari cyo kigero cy’ubushomeri kiri hejuru muri Amerika.

Leta ya Viriginia kandi ni yo ifite abaturage benshi bakenera inkunga ya Leta yita ku batishoboye.

2. Arkansas

• Ayinjira mu rugo: $41,995
• Abaturage: 2,978,204
• Ikigero cy’ubushomeri 2015: 5.2%
• Ubukene: 19.1%

Ibiciro by’ibicuruzwa na Servisi birahendutse cyane muri iyi Leta ugereranyije n’ahandi. 19.1% baba mu bukene .

1. Mississippi

• Ayinjira mu rugo: $40,593
• Abaturage: 2,992,333
• Ubushomeri 2015:
• Ubukene: 22.0%

Mu mwaka wa 2015 ayinjiraga mu ngo z’abaturage yarahindutse kuva mu mwaka wa 2014. Gusa Mississipi ikomeza kuba inkene cyane.

Leta Zikize cyane kurusha izindi:

5. Connecticut

• Ayinjira : $71,346
• Abaturage: 3,590,886
• Ubushomeri 2015: 5.6%
• Ikigero cy’Ubukene: 10.5%

Muri Leta ya Connecticut abaturage babasha kwinjiza amadolari 71,346$ ku mwaka, ni menshi cyane ugereranyije n’impuzandengo y’igihugu cyose ingana na 55,775 ku mwaka.

Byibura ngo muri iyi Leta, abantu 10 binjiza amadorali 200,000 cyangwa hejuru yayo ku mwaka.

Stanford, umwe mu mijyi yo muri Leta ya Connectcut

4. New Jersey

• ayinjira: $72,222
• Abaturage: 8,958,013
• Ubushomeri : 5.6%
• ubukene: 10.8%

Nubwo Leta y a New Jersey ikize cyane, ngo kuyibamo birahenda cyane kuko inzu yaho ihendutse uyibona ku madorali 322,600. Igiciro cy’Ibicuruzwa na Serivisi biri kuri 14.5%.

3. Alaska

• Ayinjira: $73,355
• Abaturage: 738,432
• Ubushomeri: 6.5%
• Ubukene: 10.3%

Nubwo ngo igiciro cya peterori cyaguye mu myaka mike ishize, ngo abaturage benshi bo muri iyi Leta baracyashingiye ubuzima bwabo cyane kuri Peterori. 5.6% by’abaturage babeshwaho no kuroba, guhiga, n’ubucukuzi bw’amabuye y’agaciro.

2. Hawaii

• Ayinjira: $73,486
• Abaturage: 1,431,603
• Uushomeri: 3.6%
• Ubukene: 10.6%

Impamvu iyi Leta ngo iri mu ma leta akize cyane muri Amerika, ngo ni uko ituwemo n’abaherwe batari bake.

1. Maryland

• Ayinjira: $75,847
• Abaturage: 6,006,401
• Ubushomeri: 5.2%
• Ubukene: 9.7%

Iyi ni Leta ihatse izindi mu bukire, ikigero cy’ubukene muri iki gihugu kiri munsi ya 10%. Ubu bukungu busobanurwa n’umubare munini w’abantu bize amashuri y’ikirenga batuye iyo Leta, kuko nibura 38% by’abatuye iyo Leta bize icyiciro cya mbere cya kaminuza.

Iyi Leta ni yo irimo Washington D.C ibarizwamo abategetsi benshi n’abandi bantu benshi bakora muri Leta, bituma binjiza amafaranga atubutse. 10% y’abakozi batuye muri ako gace bakorera Leta.


Kwamamaza
IZINDI NKURU WASOMA
TANGA IGITEKEREZO

ANDIKA ICYO UTEKEREZA KURI IYI NKURU

AMATEGEKO AGENGA IYANDIKA RY'IGITEKEREZO CYAWE:
Witandukira kubijyanye n'iyi nkuru; wikwandika ibisebanya, ibyamamaza cyangwa bivangura; wikwandika ibiteye isoni,
Wifuza kubona byihuse ibivugwa/ibisubizo ku gitekerezo cyawe, andika email yawe ahabugenewe.
Igitekerezo cyawe kigaragara nyuma y'isuzuma rikorwa na IGIHE.com
Ibi bidakurikijwe igitekerezo cyanyu gishobora kutagaragara hano cyangwa kigasibwa, Murakoze!
ANDIKA ICYO UTEKEREZA KURI IYI NKURU
Kwamamaza
IBITEKEREZO
Join Us

Socialize with Us
Contacts

Marketing
4546
Editor
078 827 26 21
Management
0788 74 29 08 / 0788 49 69 15

Emails: [email protected], [email protected]

Website Developped by

Uru Rubuga Ruheruka Gushyirwaho Amakuru Monday 26 September 2016
Copyright © 2009 -2014 - IGIHE Ltd - All Rights Reserved