Kwamamaza

Koreya y’Epfo: Perezida Park arakekwaho uruhare mu byaha bya ruswa bishinjwa inshuti ye

Yanditswe kuya 20-11-2016 saa 14:39' na Mukaneza M.Ange


Perezida wa Koreya y’Epfo, Park Geun-hye arakekwaho kugira uruhare mu byaha bya ruswa inshuti ye yitwa Choi Soon-sil akurikiranyweho.

Nyuma yo gukatirwa kwa Choi Soon-sil n’abandi babiri bamufashije, Umushinjacyaha mukuru, Lee Young-ryeol yavuze ko Perezida Park yagize uruhare mu gufasha inshuti ye magara mu gutegura umugambi we wo kurya ruswa.

Yakomeje avuga ko ariko Park adashobora gupfa kugezwa imbere y’ubutabera kubera ubudahangarwa ahabwa no kuba ari Perezida.

Choi ashinjwa kugerageza kwaka amafaranga menshi ikompanyi zo muri Koreya y’Epfo ndetse no gusabira inkunga ikigo ayoboye yitwaje ubushuti afitanye na perezida Park.

Ibi byatumye abatari bake bigabiza imihanda basaba Park kwegura nubwo yagerageje gusaba imbabazi inshuro ebyiri abicishije kuri televiziyo ndetse akemera gutanga ubufasha mu iperereza.

BBC dukesha iyi nkuru ivuga ko Inteko Ishinga Amategeko ya Koreya y’Epfo yamaze gutora itegeko rishyiraho Umushingacyaha wihariye uzakurikirana iki kirego.

Abandi bashinjwa uruhare muri ibi byaha bya ruswa harimo Ahn Jong-beom wahoze ari Umunyabanga Mukuru wa Perezida Park na Jung Ho-sung ushinjwa kuba ariwe washyikirije Choi inyandiko z’ibanga zirimo n’izerekeye abakandida muri minisiteri zitandukanye.

[email protected]


Kwamamaza

Kwamamaza
IZINDI NKURU WASOMA
TANGA IGITEKEREZO

ANDIKA ICYO UTEKEREZA KURI IYI NKURU

AMATEGEKO AGENGA IYANDIKA RY'IGITEKEREZO CYAWE:
Witandukira kubijyanye n'iyi nkuru; wikwandika ibisebanya, ibyamamaza cyangwa bivangura; wikwandika ibiteye isoni,
Wifuza kubona byihuse ibivugwa/ibisubizo ku gitekerezo cyawe, andika email yawe ahabugenewe.
Igitekerezo cyawe kigaragara nyuma y'isuzuma rikorwa na IGIHE.com
Ibi bidakurikijwe igitekerezo cyanyu gishobora kutagaragara hano cyangwa kigasibwa, Murakoze!
ANDIKA ICYO UTEKEREZA KURI IYI NKURU
Kwamamaza
IBITEKEREZO
Join Us

Socialize with Us
Contacts

Marketing
4546
Editor
078 827 26 21
Management
0788 74 29 08 / 0788 49 69 15

Emails: [email protected], [email protected]

Website Developped by

Uru Rubuga Ruheruka Gushyirwaho Amakuru Thursday 8 Ukuboza 2016
Copyright © 2009 -2014 - IGIHE Ltd - All Rights Reserved