Kwamamaza

Korea ya Ruguru yagerageje bombe iruta iyatewe i Hiroshima

Yanditswe kuya 10-09-2016 saa 07:57' na Jean Pierre TUYISENGE


Korea ya Ruguru ivuga ko igikorwa cyo kugerageza ku nshuro ya gatanu ibisasu by’ubumara byagenze neza.

Iryo tangazo ryatambutse kuri televiziyo nyuma y’amasaha make humvikanye umutingito hafi y’akarere gakunze kuberamo iryo geragezwa.

Korea y’Epfo yemeza ko nta rindi gerageza nk’iryo ryigeze ribaho, hakaba hari ubwoba ko icyo gihugu kimaze gutera intambwe ikomeye mu gukora intwaro za kirimbuzi.

Prezida wa Korea y’Epfo, Park Geun-Hye na Minisitiri w’Ububanyi n’Amahanga w’Ubushinwa bamaganye iryo gerageza basaba Korea ya Ruguru guhagarika ibikorwa byo kugerageza bombe z’ubumara.

Abategetsi ba Korea y’Epfo bavuga ko ibyuma byabo byabonye Isi itigita ku kigero cya 5.3 ku bipimo bya Richter, hafi y’akarere Korea ya Ruguru ikoresha mu kugerageza bombe z’ubumara.

BBC dukesha iyi nkuru ko iki gishobora kuba ari ikimenyetso cy’intambwe ikomeye icyo gihugu kimaze gutera mu buhanga bwo gukora intwaro z’ubumara.

Umugaba mukuru w’ingabo za Korea y’Epfo, Yonhap abinyujije kuri Televiziyo y’igihugu, yatangaje ko bombe yageragejwe na Korea ya Ruguru iruta iyatewe na Leta Zunze Ubumwe z’Amerika i Hiroshima mu Buyapani mu ntambara ya kabiri y’Isi.


Kwamamaza
IZINDI NKURU WASOMA
TANGA IGITEKEREZO

ANDIKA ICYO UTEKEREZA KURI IYI NKURU

AMATEGEKO AGENGA IYANDIKA RY'IGITEKEREZO CYAWE:
Witandukira kubijyanye n'iyi nkuru; wikwandika ibisebanya, ibyamamaza cyangwa bivangura; wikwandika ibiteye isoni,
Wifuza kubona byihuse ibivugwa/ibisubizo ku gitekerezo cyawe, andika email yawe ahabugenewe.
Igitekerezo cyawe kigaragara nyuma y'isuzuma rikorwa na IGIHE.com
Ibi bidakurikijwe igitekerezo cyanyu gishobora kutagaragara hano cyangwa kigasibwa, Murakoze!
ANDIKA ICYO UTEKEREZA KURI IYI NKURU
Kwamamaza
IBITEKEREZO
Join Us

Socialize with Us
Contacts

Marketing
4546
Editor
078 827 26 21
Management
0788 74 29 08 / 0788 49 69 15

Emails: [email protected], [email protected]

Website Developped by

Uru Rubuga Ruheruka Gushyirwaho Amakuru Thursday 29 Nzeri 2016
Copyright © 2009 -2014 - IGIHE Ltd - All Rights Reserved