Joe Biden yatanze igihe azahishurira umugambi wo kwiyamamaza mu matora ya 2020

Yanditswe na Ishimwe Israel
Kuya 5 Nzeri 2018 saa 01:44
Yasuwe :
0 0

Joseph Robinette Biden Jr. [Joe Biden] wabaye Visi Perezida wa 47 wa Leta Zunze Ubumwe za Amerika, ashobora guhangana na Donald Trump mu matora yo kuyobora iki gihugu ategerejwe mu 2020.

Abajyanama ba Biden bavuze ko azatangaza icyemezo cyo kwiyamamaza mu matora ya 2020 bitarenze Mutarama 2019.

Msn dukesha inkuru yanditse ko Joe Biden wari mu rugendo ruva Washington rugana New York, abagenzi bamuhaye ubutumwa bamusaba bati “Iyamamaze Joe.”

Umwe yagize ati “Turi kumwe”; undi ati “Ugomba kubikora.”

Inshuti n’abajyanama ba Biden bagaragaza ko yizera gutsinda Donald Trump. Bavuze ko yihaye kugeza muri Mutarama ngo abe yatangaje ubushake bwe bwo guhagararira Ishyaka ry’Aba-Démocrates mu matora.

Biden uzwi muri politiki kuva mu myaka 30 ishize, arashyigikiwe cyane muri Leta z’ingenzi mu gihe abandi bakigerageza kuhimenyekanisha.

Abasesenguzi mu bya Politiki bagaragaza ko Biden azasuzuma ubusabe bw’abaturage bamusunikira kwiyamamaza mbere yo gufata umwanzuro ntakuka.

Anita Dunn wahoze ari Umujyanama wa Perezida Barack Obama, yagize ati “Ni umuntu uzamenya inshingano ze zo kumva abamusaba kwiyamamaza.”

Biden yatangiye kugira inyota yo kwiyamamaza kuva mu myaka 30 ishize. Yatsinzwe mu rugamba rwo guhagararira ishyaka rye mu 1988 na 2008. Yabaye Visi Perezida ku butegetsi bwa Obama w’imyaka 57 wayoboye Amerika hagati ya 2009 na 2017.

Kuva yava mu Biro bya Visi Perezida afatwa n’ishyaka rye nk’ukomeye ndetse yakunze kugaragara mu mpaka z’abatavuga rumwe n’ubutegetsi bwa Donald Trump.

Joe Biden w’imyaka 75 yahagarariye Leta ya Delaware muri Sena kuva mu 1973 kugeza mu 2009.

Joe Biden azatangaza niba aziyamamaza mu matora y'umukuru w'igihugu muri Amerika mu 2020
Joe Biden wigeze kuba Visi Perezida aganira n'itangazamakuru ku wa 29 Kamena 2018 i Cincinnati. Biden yagaragaje ko ashobora guhangana na Perezida Donald Trump mu matora ya 2020

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE

Kwamamaza

Kwamamaza