Kwamamaza

Jacques Chirac wayoboye u Bufaransa yajyanywe mu bitaro igitaraganya

Yanditswe kuya 18-09-2016 saa 13:05' na IGIHE


Umuryango wa Jacques Chirac wahoze ari Perezida w’u Bufaransa watangaje uyu mukambwe yajyanye igitaraganya mu bitaro kubera indwara y’ibihaha.

Umukwe wa Jacques Chirac , Frederic Salat-Baroux, yabwiye Ibiro Ntaramakuru by’Abafaransa, ko uyu mukambwe wayoboye u Bufaransa hagati ya 1995 na 2007 yajyanywe mu bitaro mu gitondo cyo kuri iki cyumweru kugira ngo asuzumwe indwara y’ibihaha, ndetse yongeraho ko ashobora kugumamo iminsi mike yitabwaho.

Uyu mukambwe w’imyaka 83 yajyanywe mu bitaro byitwa Pitie-Salpetriere. Umukwe we yavuze ko yafashwe n’uburwayi nyuma y’urugendo aherutse kugirira muri Maroc. Gusa abantu ba hafi b’uyu mukambwe batangaje ko yajyanywe kwa muganga agifite ubwenge.

Chirac, wayoboye manda ebyiri nk’Umukuru w’Igihugu w’u Bufaransa, yibukirwa cyane ku kurwanya igitekerezo cya Leta Zunze Ubumwe za Amerika cyo kugaba ibitero muri Iraq mu 2003.

Uburwayi yigeze kugira mu 2005 ubwo yari Perezida bwamuciye intege bituma atangira kugaragara mu ruhame inshuro nke muri iki gihe.

Mu Ukuboza 2015, yamaze ibyumweru bibiri mu bitaro arwaye ibyo umuryango we wise umunaniro.

Mu byumweru bishize, abantu bo hafi ye batangaje ko ubuzima bwe bwongeye kuba bwiza.

Jacques Chirac yayoboye u Bufaransa hagati ya 1995 na 2007

Kwamamaza
IZINDI NKURU WASOMA
TANGA IGITEKEREZO

ANDIKA ICYO UTEKEREZA KURI IYI NKURU

AMATEGEKO AGENGA IYANDIKA RY'IGITEKEREZO CYAWE:
Witandukira kubijyanye n'iyi nkuru; wikwandika ibisebanya, ibyamamaza cyangwa bivangura; wikwandika ibiteye isoni,
Wifuza kubona byihuse ibivugwa/ibisubizo ku gitekerezo cyawe, andika email yawe ahabugenewe.
Igitekerezo cyawe kigaragara nyuma y'isuzuma rikorwa na IGIHE.com
Ibi bidakurikijwe igitekerezo cyanyu gishobora kutagaragara hano cyangwa kigasibwa, Murakoze!
ANDIKA ICYO UTEKEREZA KURI IYI NKURU
Kwamamaza
IBITEKEREZO
Join Us

Socialize with Us
Contacts

Marketing
4546
Editor
078 827 26 21
Management
0788 74 29 08 / 0788 49 69 15

Emails: [email protected], [email protected]

Website Developped by

Uru Rubuga Ruheruka Gushyirwaho Amakuru Friday 30 Nzeri 2016
Copyright © 2009 -2014 - IGIHE Ltd - All Rights Reserved