Israel yahaye nyirantarengwa abimukira b’Abanyafurika

Yanditswe na Jean Pierre Tuyisenge
Kuya 5 Gashyantare 2018 saa 11:32
Yasuwe :
0 0

Israel yasabye abimukira baturuka muri Afurika kuva ku butaka bwayo bitarenze mu mpera za Werurwe 2018, bitaba ibyo bose bakajyanwa muri gereza.

Ku wa 30 Mutarama 2018, Minisitiri w’Intebe w’icyo gihugu, Benjamin Netanyahu, yatangaje ko bafite umugambi wo kwirukana abimukira hafi ku 38,000 binjiye muri icyo gihugu mu buryo bunyuranyije n’amategeko, baturuka cyane cyane muri Eritrea na Sudani.

Abo bimukira bahawe amahitamo yo gusubira iwabo ku bushake bitarenze Werurwe 2018.

Umuvugizi w’Urwego rushinzwe abimukira, Sabine Haddad, yabwiye Ibiro Ntaramakuru by’Abafaransa ko ubuyobozi bwatangiye guha amabaruwa abimukira ku Cyumweru, ababwira ko mu minsi 60 bagomba kuba bavuye ku butaka bwa Israel ku bushake.

Biravugwa ko kugeza ubu ayo mabwiriza ari guhabwa abagabo badafite imiryango.

Ikinyamakuru gikorera mu Israel, Haaretz , kivuga ko umuntu uwo ari we wese ufatwa nk’umucakara, uwaje acurujwe cyangwa undi wasabye ubuhunzi mu mpera za 2017 ariko akaba atarabona igisubizo icyo cyemezo ntikimureba.

Ibyo byatumye abategereje kwirukanwa babarirwa hagati ya 15,000 na 20,000.

Abategetsi ba Israel bavuga ko byaba bibi kohereza abo bimukira mu bihugu bya Eritrea na Sudani baturutsemo ariko ntibagaragaza neza aho aho bozoherezwa.

Ibinyamakuru byo mu Israel byagiye bitangaza ko abimukira bazoherezwa mu Rwanda na Uganda ariko ibi bihugu byarabihakanye nta masezerano byigeze bisinya.

Icyemezo cyo kwirukana abimukira muri Israel, batagenda bagafungwa cyaramaganwe

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE

Kwamamaza

Kwamamaza