Indonesia: Abahitanywe n’umutingito bageze kuri 832

Yanditswe na Mukaneza M.Ange
Kuya 30 Nzeri 2018 saa 04:39
Yasuwe :
0 0

Leta ya Indonesia yatangaje ko kugeza ubu hamaze kuboneka imirambo y’abantu bagera kuri 832, baguye mu mutingito na tsunami byabaye ku wa Gatanu.

Uyu mutingiro wari ku gipimo cya 7.5 wibasiye umujyi wa Palu uri ku kirwa cya Sulawesi.

Nk’uko BBC yabyanditse, Umuvugizi w’Ibiro bishinzwe gukumira ibiza, Sutopo Purwo Nugroho, yavuze ko uyu mutingito wateje tsunami, aho amazi yazamutse akagera kuri metero esheshatu z’uburebure.

Visi perezida wa Indonesia, Jusuf Kalla, yavuze ko umubare w’abapfuye ushobora kwiyongera kuko bakomeje kugerageza kureba ko ntabagwiriwe n’inzu zasenyutse.

Hari impungenge kandi ko no mu mujyi wa Donggala hari abashobora kuba bagezweho n’ingaruka z’uyu mutingito washegeshe Palu ituwe n’abasaga ibihumbi 330.

Perezida Joko Widodo, nawe yageze muri aka gace aho yasuye abaturage bagizweho ingaruka n’umutingito ndetse agasura uduce twiganjemo udukunda gusurwa na ba mukerarugendo.

Indonesia yaherukaga kwibasirwa n’imitingito ikomeye mu ntangiriro z’uyu mwaka, yahitanye abasaga 550 bari ku birwa bya Lombok na Sumbawa.

Iki gihugu kigizwe n’ibirwa byinshi gikunze kwibasirwa n’imitingito iherekezwa na tsunami, bihitana ubuzima bw’abatari bake baba barimo na ba mukerarugendo.

Umutingo wahitanye abantu benshi ni uwabaye mu Ukuboza 2004 uteza tsunami mu karere, yahitanye abagera ku bihumbi 220 barimo Abanya-Indonesia ibihumbi 168.

Abasirikare boherejwe mu bikorwa by'ubutabazi mu mujyi wa Palu wibasiwe n'umutingito
Inzu nyinshi zangiritse kubera uyu mutingito
Kubera ubwinshi bw'abakeneye ubuvuzi, abaganga bari kubitaho bari hanze
Kugeza ubu hamaze kubarurwa abagera kuri 832 bahitanywe n'uyu mutingito
Tsunami yangije byinshi birimo inyubako n'imodoka

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE

Kwamamaza

Kwamamaza