Igerageza ry’urukingo rwa Malariya ryatanze icyizere

Yanditswe na Mukahirwa Diane
Kuya 26 Mata 2021 saa 07:23
Yasuwe :
0 0

Igerageza ry’urukingo rwa Malariya ryakorewe muri Burkina Faso, ryagaragaje ko rubasha guhangana n’iyi ndwara ku kigero cya 77%.

Ryakorewe ku bana 450 bo muri Burkina Faso mu gihe cy’amezi 12, rigaragaza ko urukingo rushobora kubarinda kwandura Malariya ku kigero cyo hejuru.

Uru rukingo rwiswe R21/Matrix-M rwakozwe na Kaminuza Oxford yanakoze urwa Covid-19 ruzwi nka AstraZeneca. Muri gahunda ni uko rugiye gukorerwa igerageza rya nyuma rizakorerwa ku bana 4800 bari hagati y’amezi atanu n’imyaka itatu bo mu bihugu bine bya Afurika.

Hashize imyaka myinshi ibigo byo hirya no hino ku Isi bihuriza imbaraga mu gukora urukingo rushobora kurinda Malariya, nk’imwe mu ndwara zihitana abantu benshi.

Raporo iheruka y’Umuryango w’Abibumye wita ku Buzima, OMS, yasohotse mu 2019 yagaragaje ko abasaga ibihumbi 400 bahitanywe na Malariya yandurwa n’abasaga miliyoni 200.


Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE
Kwamamaza

Special pages
. . . . . .