00:00:00 IGIHE NETWORK KN KINYARWANDA EN ENGLISH FR FRANCAIS

Ifoto y’umunsi: Minisitiri w’Ububanyi n’Amahanga muri Tuvalu yavuze imbwirwaruhame ahagaze mu nyanja

Yanditswe na Muhonzire Sylvine
Kuya 9 Ugushyingo 2021 saa 08:09
Yasuwe :
0 0

Minisitiri w’Ububanyi n’Amahanga w’Ikirwa cya Tuvalu giherereye mu Nyanja ya Pacifique, Simon Kofe, yavuze ijambo ryaciye mu Nama ya 26 y’Umuryango w’Abibumbye iri kuganira ku kibazo cy’imihindagurikire y’ikirere, COP26 ahagaze mu Nyanja, amazi amugarukiye mu mavi.

Uyu mugabo yavuze ijambo yambaye ikabutura, ishati, karuvati n’ikote ahagaze mu Nyanja mu Murwa Mukuru w’iki Kirwa, Funafuti, kugira ngo agaragaze akababaro n’akaga k’iki kirwa gikomeje kugirwaho ingaruka z’ubwiyongere bw’ubushyuhe ku Isi kuko bituma amazi y’Inyanja yiyongera.

Uku kwiyongera kw’amazi y’Inyanja guterwa no kuyenga k’urubura ruba ku Isi bityo ibihugu biri ku butumburuke buri hasi mu Nyanja bikaba byagira ibibazo by’ubwiyongere bw’amazi y’inyanja ashobora kurenga imbibi zayo.

Raporo ya Banki y’Isi igaragaza ko mu Burengerazuba bw’inyanja ya Pacifique, amazi y’Inyaja yazamutseho inshuro eshatu kurenza igipimo cy’ay’ahandi ku Isi, ndetse bikaba biteganyijwe ko nta gikozwe, amazi ashobora kwiyongera akagera kuri metero imwe ugereranyije n’aho yahoze, mbere y’uko iki kinyejana cya 21 kirangira.

Tuvalu igizwe n’ibirwa bito icyenda ndetse n’abaturage hafi ibihumbi 12. Ku rubuga rw’ubukerarugendo rw’iki kirwa, batanga impuruza y’uko mu mpera z’ikinyejana cya 21, kizaba cyararengewe n’amazi. Aho bagaragaza ko abaturage benshi bamaze kwimukira muri Nouvelle-Zélande kubera gutinya ko ihindagurika ry’ibihe ryazatuma ubutaka batuyeho burengerwa.

Iki kirwa gisangiye iki kibazo n’ibindi birwa birimo ibya Maldives, Antigua, Barbuda, Dominica, Fiji, Samoa ndetse na Barbados.

Minisitiri w’Ububanyi n’Amahanga w’Ikirwa cya Tuvalu giherereye mu Nyanja ya Pacifique, Simon Kofe, yavuze ijambo ahagaze mu mazi
Uyu muyobozi yasabye ibindi bihugu gufatira ingamba ikibazo cy'ihindagurika ry'ikirere

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE
Kwamamaza

Special pages
. . . . . .