Loni igiye gutora Umunyamabanga Mukuru mushya

Yanditswe na Ntabareshya Jean de Dieu
Kuya 6 Gashyantare 2021 saa 03:26
Yasuwe :
0 0

Umuryango w’Abibumbye (LONI) watangaje ko ibikorwa byo gutoranya Umunyamabanga Mukuru mushya usaba ibihugu 193 biwugize gutanga abakandida bashobora gusimbura António Guterres uri gusoza manda ye ya mbere.

Ni ubwa kabiri bigiye kubaho ko Umunyamabanga Mukuru wa Loni ashyirwaho binyuze mu matora rusange, kuko mbere byakorerwaga mu bwihisho kandi bikemezwa n’ibihugu bikomeye gusa.

Umuyobozi w’Inteko Rusange ya Loni, Volkan Bozkir n’ukiriye Akanama k’Umutekano muri uwo Muryango muri uku kwezi, akaba anahagarariye u Bwongereza muri Loni, Barbara Woodward, bafunguye ku mugaragaro ibikorwa byo guhitamo abagomba guhatanira uwo mwanya, dore ko manda y’imyaka itanu ya Guterres izarangira ku wa 31 Ukuboza, n’ubwo yemerewe kwiyamamariza indi manda imwe.

Abakandida bemejwe bashyirwa imbere y’Inteko Rusange ya Loni maze buri wese akabazwa ibibazo n’abahagarariye ibihugu byabo muri iyo Nteko, hanyuma bagatora. Ni mu gihe kandi umukandida agomba kugaragaza ibyo yagezeho, ndetse n’imigabo n’imigambi azageza kuri Loni.

Nta mugore urabasha kuyobora Loni, ndetse mu matora aheruka bari biyamamaje ari benshi ariko ntibahirwa, gusa byitezwe ko kuri nshuro na bwo baziyamamaza ari benshi, nk’uko ibaruwa ya Bozkir yabisabye abanyamuryango.

Amakuru ariko avuga Guterres wamaze kwemeza ko azongera kwiyamamaza, afite amahirwe menshi yo kuzatsinda amatora.

Inteko Rusange ya Loni igiye gutora Umunyamabanga mushya

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE
Kwamamaza

Special pages
. . . . . .