Kwamamaza

Ibihumbi by’Abanyamerika bigabye mu mihanda bamagana itorwa rya Donald Trump

Yanditswe kuya 10-11-2016 saa 07:21' na IGIHE


Nyuma y’intsinzi ya Donald Trump mu matora y’Umukuru w’Igihugu muri Leta Zunze Ubumwe za Amerika, mu mijyi irindwi itandukanye habereye imyigaragambyo yamagana ibyavuye muri ayo matora, bagashinja urwango, ibinyoma n’ivangura Perezida watowe.

Mu bigaragambyaga hari harimo n’ibyamamare nk’umuhanzi Madonna na Cher bazwi cyane muri muzika yo muri Leta Zunze Ubumwe za Amerika.

Abigaragambya bari bitwaje ibishushanyo bya Donald Trump ndetse n’ibibumbano bikoze muri pulasitike, aho i New York bateraniye kuri Union Square no ku ruziga rwa Columbus (Columbus Circle), intero ikaba yari imwe, baririmba bati “Imibereho y’abirabura” ,“Donald Trump genda, ugira ironda ruhu, ivangura rishingiye ku gitsina, wanga abatinganyi.”

Cher na Madonna ni bamwe mu bagaragaye mu myigaragambyo i New york, ndetse Cher yabwiye umwe mu bafana be ko bashaka kurwana.

Uretse uwo mufana wavuze ko Cher yamubwiye ko bashaka kurwana, Madonna we yanditse ku rubuga nkoranyambaga rwa Instagram ati ‘si Perezida wanjye’.

Abandi bigaragambirije imbere y’inyubako ya Trump aho ari kuba mbere y’uko yerekeza mu ngoro y’Umukuru w’Igihugu (White House) kuwa 20 Mutarama 2017, ubwo azaba amaze kurahira.

Imyigaragambyo yabereye no mu mijyi ya Chicago, Illinois, Portland, Oregon ndetse n’imbere y’ingoro y’Umukuru w’Igihugu.

Icyakora hari n’abatabigiriyemo umugisha, kuko nk’abigaragambirije imbere y’inyubako na Hotel bya Donald Trump bamwe bafashwe bagafungwa, nyuma y’aho mu ndangururamajwi, abigaragambya bari bamaze gusabwa kuva aho, kandi ko utabyubahiriza aza gufatwa akaryozwa icyaha cyo guteza imvururu.

Donald Trump yakoze ibyo benshi bise gutungurana, atsinda amatora y’Umukuru w’Igihugu ku majwi 274 kuri 215 ya Hillary Clinton bari bahanganye.

I New York ahari ibikorwa bikomeye bya Donald Trump, abigaragambya batwitse idarapo rya Amerika

Mu mijyi itandukanye nka Chicago, Philadelphia, New Orleans ndetse n’imbere ya White House imyigaragambyo yakomeje


Kwamamaza

Kwamamaza
IZINDI NKURU WASOMA
TANGA IGITEKEREZO

ANDIKA ICYO UTEKEREZA KURI IYI NKURU

AMATEGEKO AGENGA IYANDIKA RY'IGITEKEREZO CYAWE:
Witandukira kubijyanye n'iyi nkuru; wikwandika ibisebanya, ibyamamaza cyangwa bivangura; wikwandika ibiteye isoni,
Wifuza kubona byihuse ibivugwa/ibisubizo ku gitekerezo cyawe, andika email yawe ahabugenewe.
Igitekerezo cyawe kigaragara nyuma y'isuzuma rikorwa na IGIHE.com
Ibi bidakurikijwe igitekerezo cyanyu gishobora kutagaragara hano cyangwa kigasibwa, Murakoze!
ANDIKA ICYO UTEKEREZA KURI IYI NKURU
Kwamamaza
IBITEKEREZO
Join Us

Socialize with Us
Contacts

Marketing
4546
Editor
078 827 26 21
Management
0788 74 29 08 / 0788 49 69 15

Emails: [email protected], [email protected]

Website Developped by

Uru Rubuga Ruheruka Gushyirwaho Amakuru Saturday 10 Ukuboza 2016
Copyright © 2009 -2014 - IGIHE Ltd - All Rights Reserved