Kwamamaza

Gandhi yandikiye Hitler ibaruwa ifunguye apfa atarayibona

Yanditswe kuya 12-10-2016 saa 09:07' na Jean Pierre Tuyisenge


Mahatma Gandhi yandikiye Adolphe Hitler ibaruwa yamusabaga guhagarika intambara ya kabiri y’isi yatutumbaga, gusa icyababaje Gandhi ni uko Hitler yarinze apfa atarabona iyo baruwa.

Iyi baruwa yanditswe tariki 23 Nyakanga 1939 yagiraga iti “Nshuti yanjye hari inshuti zanjye nyinshi zansabye ko nakwandikira ibaruwa mu nyungu z’ikiremwamuntu muri rusange ariko kenshi nanze kubyemera kuko nari nzi ko ibaruwa yanjye yakubangamira.

Gusa muri njye hari ikintu cyakomeje kumbwira ko ntakwiye kwifatafata ahubwo nkakomeza ntitaye ku giciro byamfata ntitaye ku kintu icyo ari cyo cyose. Biragaragara ko muri iyi minsi ari wowe muntu wenyine ushobora kubuza ko habaho icyago gikomeye ku kiremwamuntu. Ese waba witeguye kwishyura icyo giciro kugira ngo ugere ku ntego zawe uko zaba zifite agaciro gahambaye kose?

Ese wakwemera kumva ubusabe bw’umuntu wirinze kwishora mu ntambara zidatanga umusaruro ugaragara? Nizeye ko umbabarira niba nkoze ikosa iryo ari ryo ryose mu kukwandikira, nzakomeza n’ubundi kukubera inshuti magara.”

Mahatma Gandhi yafashwe nk’urugero rw’intwari n’umwe mu baharaniye amahoro, aba umwe mu bantu bakunzwe cyane mu isi akaba yaranafashwe nk’icyitegererezo mu bandi.

Adolphe Hitler afatwa nk’uwateje intambara ya kabiri y’isi

Ubwo Mahatma Gandhi yandikaga iyi baruwa, Hitler yari yaramaze kwigarurira Czechoslovakia na Pologne abifite mu biganza bye.

Gusa icyababaje abantu ni uko Hitler yarinze apfa iyi baruwa itamugezeho. Yatoraguwe mu gace ka Man bahvan, mu mujyi wa Mumbai mu Buhinde, aho Mahatma Ghandi yatuye igihe kinini.

Mahatma Gandhi afatwa nk’intwari yaharaniye ubwigenge n’amahoro, by’ikiremwamuntu mu gihugu cy’u Buhinde ndetse n’ahandi hatandukanye ku Isi. Yavukiye ahitwa Porbandar, Gujarat, mu majyaruguru y’u Burengerazuba bw’u Buhinde ku itariki 2 Ukwakira 1869. Yishwe ku itariki 30 Mutarama 1948. Urupfu rwe rushinjwa umugabo witwaga Nathuram Godse bivugwa ko yamurashe amasasu atatu mu gituza.

Ibaruwa Ghandi yandikiye Hitler yarinze apfa atarayibona

Kwamamaza

Kwamamaza
IZINDI NKURU WASOMA
TANGA IGITEKEREZO

ANDIKA ICYO UTEKEREZA KURI IYI NKURU

AMATEGEKO AGENGA IYANDIKA RY'IGITEKEREZO CYAWE:
Witandukira kubijyanye n'iyi nkuru; wikwandika ibisebanya, ibyamamaza cyangwa bivangura; wikwandika ibiteye isoni,
Wifuza kubona byihuse ibivugwa/ibisubizo ku gitekerezo cyawe, andika email yawe ahabugenewe.
Igitekerezo cyawe kigaragara nyuma y'isuzuma rikorwa na IGIHE.com
Ibi bidakurikijwe igitekerezo cyanyu gishobora kutagaragara hano cyangwa kigasibwa, Murakoze!
ANDIKA ICYO UTEKEREZA KURI IYI NKURU
Kwamamaza
IBITEKEREZO
Join Us

Socialize with Us
Contacts

Marketing
4546
Editor
078 827 26 21
Management
0788 74 29 08 / 0788 49 69 15

Emails: [email protected], [email protected]

Website Developped by

Uru Rubuga Ruheruka Gushyirwaho Amakuru Sunday 4 Ukuboza 2016
Copyright © 2009 -2014 - IGIHE Ltd - All Rights Reserved