00:00:00 IGIHE NETWORK KN KINYARWANDA EN ENGLISH FR FRANCAIS

Hotel ya Trump igiye kugurishwa

Yanditswe na Muhonzire Sylvine
Kuya 15 Ugushyingo 2021 saa 11:55
Yasuwe :
0 0

Hotel ya Donald Trump iherereye mu bilometero bike uvuye kuri White House, Trump International Hotel, igiye kugurishwa miliyoni 375$ nyuma yo guhura n’ibihombo bikabije bingana na miliyoni 70$ yagize ubwo Trump yari Perezida wa Leta Zunze Ubumwe za Amerika.

Aya makuru yatanzwe na Bloomberg avuga ko iyi hotel yari imaze imyaka itanu iri mu maboko ya Trump Organisation igiye kugurwa na sosiyete ya CGI Merchant Group maze iyihindurire izina yitwe Waldorf Astoria ibifashishijwemo na sosiyete ikomeye mu bijyanye n’amahoteli n’ubukerarugendo ya Hilton Group.

Bivugwa ko kugurisha iyi hotel bizemezwa n’Ikigo cya Guverinoma ya Amerika gishinzwe ibikorwa bitandukanye bya leta, General Services Administration (GSA), kuko inyubako iherereyemo ari iya Amerika aho imaze imyaka 120 yubatswe.

Ifite ibyumba 263 byose biri ku rwego rwo hejuru, ikagira ibikoresho bigezweho, cyane ko iherereye mu mujyi ukomeye wa Washington DC.

BBC ivuga ko iyi hotel yashyizwe ku isoko kuva mu 2019, ikabura uyigura kubera icyorezo cya Covid-19, ubu ikaba yamaze kubona umuguzi nubwo nta ruhande rurabyemeza hagati ya Trump Organisation igiye kuyigurisha na CGI Merchant Group igiye kuyigura.

Trump Internationl Hotel igiye kugurishwa miliyoni 375$

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE
Kwamamaza

Special pages
. . . . . .