Kwamamaza

Hillary Clinton yafashwe n’uburwayi ubwo hibukwaga abahitanywe n’ibyihebe

Yanditswe kuya 12-09-2016 saa 08:33' na Niyonsenga Schadrack


Umukandida watanzwe n’ishyaka ry’aba-démocrate ku mwanya wa Perezida wa Leta Zunze ubuwe za Amerika, Hillary Clinton, yafashwe n’indwara itunguranye ubwo yari mu muhango wo kwibuka abanyamerika baguye mu gitero cyagabwe ku nyubako ya World Trade Center mu mwaka wa 2001.

Clinton yafashwe n’umuriro udasanzwe bituma bamwihutisha ajyanwa kureba umuganga we, icyakora kuri ubu abashinzwe ibikorwa bye byo kwiyamamaza batangaje ko ameze neza.

Umuganga uvura Clinton Dr Lisa Bardack ,yatangaje ko uyu mukandida yakize nyuma yo gufatwa n’indwara y’ibihaha ku wa gatanu w’icyumweru gishize nyuma agahabwa imiti yo kumworohereza, gusa ngo yaje gusa n’ugiriye ikibazo gikomeye muri ibi birori byabereye i New York biba ngombwa ko bamutwara mu modoka ye kugira ngo ajye kuvurwa.

Abashinzwe ibikorwa bye, batangaje ko uburwayi bwa Hillary Clinton bwatumye asubika ibikorwa byo kwiyamamaza yari gukorera muri California kuva kuri uyu wa Mbere.

Ibi bibaye mu gihe Donald Trump bahanganye mu matora azaba mu Ugushyingo uyu mwaka aherutse gutangaza ko atewe amakenga n’ubuzima bw’uwo bahanganye, yemeza ko nta bitekerezo ndetse nta n’imbaraga z’umubiri afite zo kuba yayobora Amerika cyangwa se ngo abe yahangana n’abarwanyi b’umutwe wa Islamic state.

Umuganga w’umwihariko wa Clinton, Dr Lisa Bardack we mu kwezi gushize yari yatangaje ko uyu mukandida afite ubuzima bwiza kandi ko yiteguye gukora inshingano z’Umukuru w’Igihugu.

Uyu muganga kandi yemeza ko Clinton yari amaze igihe kinini yarakize neza nyuma y’uko mu 2012 abazwe indwara ifata amaraso yari arwaye.

Kuri ubu abafasha Clinton mu bikorwa byo kwiyamamaza bari gushinja abafasha ba Trump gutangaza ibihuha by’uko Clonton yaba adafite ubuzima bwiza.

Clinton uherutse gusaba imbabazi nyuma y’uko yari yavuze ko abashyigikiye Donald Trump basa n’abatariho bitewe n’uko ngo abizeza ibitangaza bakanga bakamuyoboka.

Intambara y’amagambo hagati y’aba bakandida bombi imaze iminsi kuko baherutse gushinjanya kuvuga amagambo y’irondaruhu ku baturage b’iki gihugu cyane abirabura.

Amatora y’Umukuru w’Igihugu muri Leta Zunze Ubumwe za Amerika ateganyijwe kuba ku wa 8 Ugushyingo 2016.

Clinton yajyanywe kuvurwa igitaraganya
Hillary Clinton akivanwa mu rugo rw'umukobwa we aho yavuriwe, yavuze ko ameze neza cyane

Kwamamaza
IZINDI NKURU WASOMA
Ifoto y’umunsi
2016-09-27 08:20:56
TANGA IGITEKEREZO

ANDIKA ICYO UTEKEREZA KURI IYI NKURU

AMATEGEKO AGENGA IYANDIKA RY'IGITEKEREZO CYAWE:
Witandukira kubijyanye n'iyi nkuru; wikwandika ibisebanya, ibyamamaza cyangwa bivangura; wikwandika ibiteye isoni,
Wifuza kubona byihuse ibivugwa/ibisubizo ku gitekerezo cyawe, andika email yawe ahabugenewe.
Igitekerezo cyawe kigaragara nyuma y'isuzuma rikorwa na IGIHE.com
Ibi bidakurikijwe igitekerezo cyanyu gishobora kutagaragara hano cyangwa kigasibwa, Murakoze!
ANDIKA ICYO UTEKEREZA KURI IYI NKURU
Kwamamaza
IBITEKEREZO
Join Us

Socialize with Us
Contacts

Marketing
4546
Editor
078 827 26 21
Management
0788 74 29 08 / 0788 49 69 15

Emails: [email protected], [email protected]

Website Developped by

Uru Rubuga Ruheruka Gushyirwaho Amakuru Tuesday 27 September 2016
Copyright © 2009 -2014 - IGIHE Ltd - All Rights Reserved