Kwamamaza

Hagiye guca uwambaye hagati ya Trump na Hillary Clinton

Yanditswe kuya 7-11-2016 saa 20:41' na Rabbi Malo Umucunguzi


Amatora muri Leta Zunze Ubumwe za Amerika, ageze mu mahina aho abakandida babiri Donald Trump na Hillary Clinton bagomba kwisobanura kuri uyu wa Kabiri tariki 8 Ugushyingo 2016.

Amatora ya Perezida wa USA aba buri myaka ine, kuwa kabiri wa mbere w’Ugushyingo, ariko iyo uwo munsi ubaye ari ku itariki ya Mbere, amatora aba kuwa 8 Ukwakira, aho abaturage muri Amerika baba bihitiramo ugomba kurangaza imbere iki gihugu cy’igihangange ku Isi.

Muri iki gihugu abatora babarwa bose hamwe ni 538 muri Leta 50 zigize icyo gihugu barimo abasenateri 100 n’abadepite 435, hakiyongeraho abandi batatu ba District of Columbia, bagira itsinda rizwi nka Electoral College, ari na ryo rigena ugomba kuba Perezida wa USA.

Umukandida ku mwanya wa Perezida ubonye amajwi menshi muri leta imwe, ahita ahabwa amajwi yose abarwa y’abatora bagenerwa iyo leta. Niba nk’umukandida atsinze muri leta ya Venmont ibarirwa abatora batatu, umwe akabona muri rusange amajwi 4,100,103 undi akabona 4,100,100, utsinze atwara byose agahita abarirwa ya majwi atatu undi akagira zeru.

Muri ayo majwi bisaba ko ugomba gutsinda agira 270, amajwi amuhesha ubwiganze buhagije bumuhesha kwicara muri White House mu myaka ine iri imbere, bivuze hejuru ya kimwe cya kabiri cya 538.

Mu gihe habura amasaha make ngo amatora abe, Donald Trump wo mu ishyaka ry’Aba Republicanains aheruka kwigaranzura Hillary Clinton w’umu Democrate, gusa hari akazi gakomeye kagomba kumuhesha amajwi 270 y’abazatora.

Leta uko ari 50 zigenda zinyuranya umubare w’abatora nk’uko zirutanwa mu bunini cyangwa umubare w’abaturage, nk’aho Texas ifite 38, Illinois ikagira 20, New York 29, Michigan 16, mu gihe nka Montana cyangwa Alaska zigiye zigira 3.

Trump mu cyumweru cya nyuma cy’amatora yashoye miliyoni $25 mu kumwamamaza kuri televiziyo, muri leta za Colorado, Florida, Iowa, Maine, Michigan, New Mexico, North Carolina, Ohio, Pennsylvania, Wisconsin, Virginia, Nevada na New Hampshire.
Ibi bifatwa nko kugaragaza ko yaba yifitiye icyizere ko adakeneye imbaraga zihambaye mu kwigarurira Arizona, Georgia, Utah, Texas cyangwa izindi leta bizwi neza ko ziri mu maboko y’aba Republicains.

Donald Trump asabwa gutangirana intsinzi muri leta enye z’ingenzi za Florida, Ohio, North Carolina na Iowa, bikiyongeraho ko agomba gukora ibishoboka agakusanya amajwi ahagije muri leta ziganjemo abo mu ishyaka rye.

Umuyobozi ushinzwe ibikorwa byo kwamamaza Trump, David Bossie, yagize ati "Twizeye 100% ko tuzatsinda muri izo leta zose. Ubundi nitubasha kubikora, tuzaba twishyize mu mwanya wo kwegukana amajwi yose muri imwe muri leta aho abaturage bataragaragaza aho babogamiye,’’

Ahandi hantu agomba gushaka amajwi yivuye inyuma ni muri leta nini za Pennsylvania, Wisconsin, Virginia na Michigan, aho imwe muri izi ishobora kumushyira ku mwanya wa mbere, adasize leta nto za Nevada, New Hampshire na New Mexico, ahantu Hillary Clinton afite ijambo rikomeye.

Nta kosa na rimwe agomba gukora

Trump arasabwa gutsinda muri buri leta Mitt Romney yabonyemo amajwi mu 2012 harimo na North Carolina, ndetse agahindukirira na leta Barack Obama yabonyemo amajwi ku bwiganze, harimo nka Florida, Ohio, Iowa, Nevada na New Hampshire.

Trump kandi arasabwa gutsinda mu duce twa Omaha muri Nebraska na Maine, ku buryo agomba kubona amajwi 270 byanze bikunze.

Ni akazi gakomeye kamutegereje imbere y’abaturage biganjemo aba Democrate mu duce bihamywa ko turi inyuma ya Clinton, nko muri Wisconsin, Michigan na Pennsylvania, ahantu atigeze abasha kuvana amajwi mbere.

Icyo gihe byamuha koroherwa n’amatora muri leta za Nevada cyangwa New Hampshire, mu gihe yaba yatsinze bidasubirwaho muri Florida na Ohio, cyangwa se muri North Carolina.

Clinton nabura amajwi kubera Gary Johnson...

Leta eshatu zigenga, zishobora kwima amajwi Clinton maze Trump akamuca urwaho, mu gihe aba Republicains batemera Trump baba batamutoye bakajya inyuma ya Gary Johnson.

Uyu ni umukandida utavugwa cyane ku ruhande rw’aba Liberitarian ariko ushyize imbere ko aramutse abonye amajwi 5% mu gihugu hose, byatuma yaba Trump cyangwa Hillary bose nta n’umwe ubona amajwi 270 akeneye, nk’uko avuga ko agamije guca burundu ihame ritanditse ry’uko amashyaka abiri gusa ariyo asimburana kuyobora Leta Zunze Ubumwe za Amerika.

Izo leta nto zigenga ni Nevada, New Hampshire na Colorado, aho Johnson yagiye yigarurira amajwi menshi y’abantu batarumva neza uwo bazatora hagati ya Trump na Clinton, ariko bikaba byaha amahirwe Clinton.

Imibare y’abanyamerika b’abirabura batora nigabanuka...

Hari ibimenyetso hashingiwe ku igeragezwa ry’amatora ryakozwe mbere, ko muri leta nka North Carolina, Florida na Georgia ko abirabura batora babaye bake (banashyigikiye aba Democrates), ugereranyije n’amatora yabanje.

Ibyo byarushaho guha amahirwe Trump muri izo leta eshatu, ndetse bikamufasha cyane muri Michigan, aho abatora b’aba Democrates benshi ari abirabura b’Abanyamerika, mu mijyi nka Detroit na Flint.

Aba Latinos nibadatora nk’uko byitezwe ...

Uburengerazuba bwa Amerika bushobora kuzaba bugoranye mu matora, Trump naramuka atsinze muri Arizona akagira n’amahirwe yo gutsinda amatora muri Florida, Nevada, Colorado na New Mexico.

Amajyaruguru y’Uburasirazuba nashyigikira Trump

Trump arasabwa gutsinda muri Maine na New Hampshire, agatsinda amatora mu duce tw’ibyaro twaho no muri Philadelphia.

Amatora ya Perezida wa USA aba buri gihe mu Ukwakira, ariko Perezida mushya utowe ntabwo ahita atangira akazi, ategereza itariki ya 20 Mutarama mu mwaka ukurikiraho. Kereka iyo asanzwe ku butegetsi, niwe ukomeza kuyobora.

Umuperezida urangije manda ebyiri ahita ava mu myanya atorerwa na leta, hagahabwa amahirwe ikindi gisekuru gitanga icyizere.


Kwamamaza

Kwamamaza
IZINDI NKURU WASOMA
TANGA IGITEKEREZO

ANDIKA ICYO UTEKEREZA KURI IYI NKURU

AMATEGEKO AGENGA IYANDIKA RY'IGITEKEREZO CYAWE:
Witandukira kubijyanye n'iyi nkuru; wikwandika ibisebanya, ibyamamaza cyangwa bivangura; wikwandika ibiteye isoni,
Wifuza kubona byihuse ibivugwa/ibisubizo ku gitekerezo cyawe, andika email yawe ahabugenewe.
Igitekerezo cyawe kigaragara nyuma y'isuzuma rikorwa na IGIHE.com
Ibi bidakurikijwe igitekerezo cyanyu gishobora kutagaragara hano cyangwa kigasibwa, Murakoze!
ANDIKA ICYO UTEKEREZA KURI IYI NKURU
Kwamamaza
IBITEKEREZO
Join Us

Socialize with Us
Contacts

Marketing
4546
Editor
078 827 26 21
Management
0788 74 29 08 / 0788 49 69 15

Emails: [email protected], [email protected]

Website Developped by

Uru Rubuga Ruheruka Gushyirwaho Amakuru Wednesday 7 Ukuboza 2016
Copyright © 2009 -2014 - IGIHE Ltd - All Rights Reserved