00:00:00 IGIHE NETWORK KN KINYARWANDA EN ENGLISH FR FRANCAIS

Marine Le Pen na Macron bafite amahirwe yo kuza imbere mu matora mu Bufaransa

Yanditswe na Rosine Ingabire
Kuya 26 Kanama 2021 saa 09:43
Yasuwe :
0 0

Perezida Emmanuel Macron uri ku butegetsi mu Bufaransa na Marine Le Pen utavuga rumwe na we barahabwa amahirwe yo kuza imbere mu cyiciro cya mbere cy’amatora ya Perezida ateganyijwe tariki 10 Mata 2022.

Macron mo mu ishyaka En Marche na Marine Le Pen wo muri Rassemblement National ni na bo baje imbere mu matora aheruka mu 2017.

Ubushakashatsi bushya bushingiye ku ikusanyamakuru ry’ibitekerezo bwakozwe n’ikigo Harris Interactive, bwagaragaje ko uko byagenda kose mu cyiciro cya mbere cy’amatora, Marine Le Pen afite amahirwe yo kuza imbere ya Macron n’amajwi 26 % mu gihe Macron azagira amajwi 25%.

Ibyo bizasaba ko bajya mu cyiciro cya kabiri cy’amatora kuko nta n’umwe uzaba wabonye amajwi asabwa. Imibare ya Harris Interactive igaragaza ko mu cyiciro cya kabiri Macron azigaranzura Le Pen, akamutsinda ku majwi 55% mu gihe undi azaba afite amajwi 45 %.

Mu mwaka wa 2017 na bwo abo bombi baje bakurikiranye, gusa Macron yari yanikiye cyane Le Pen kuko yabonye amajwi 66.1 % mu gihe Le Pen yabonye 33.9 %.

Icyakora, ubushakashatsi bwa Harris Interactive bugaragaza ibindi mu gihe haba hari abandi bakandida bakomeye biyamamaje nubwo bitagira byinshi bigabanya ku gutsinda kudasubirwaho kwa Macron.

Urugero, bavuze ko mu gihe Xavier Bertrand na Valérie Pécresse baba biyamamaje, Macron azabona amajwi 21 % mu gihe Le Pen azabona 23% mu cyiciro cya mbere.

Uko byagenda kose, Jean-Luc Mélenchon w’ishyaka La France Insoumise niyiyamamaza azabona amajwi 11 %, Anne Hidalgo uyobora umujyi wa Paris azabona 7 % mu gihe Yannick Jado w’ishyaka ryo kwita ku bidukikije, Europe Ecologie les Verts azabona amajwi 6 %.

Kugeza ubu mu Bufaransa amashyaka ari mu matora y’imbere muri yo atoranya abazayaserukira mu matora ya Perezida n’ay’Inteko Ishinga Amategeko ateganyijwe umwaka utaha.

Macron (iburyo) na Le Pen (ibumoso) nibo bahabwa amahirwe yo kuza imbere mu matora ya Perezida mu Bufaransa

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE
Kwamamaza

Special pages
. . . . . .