Kwamamaza

FBI yasohoye inyandiko z’iperereza zishobora gushyira mu kaga Hillary Clinton

Yanditswe kuya 4-09-2016 saa 08:06' na Philbert Hagengimana


Ku gitutu cy’Ishyaka ry’abaharanira Repubulika (Républicains) ndetse n’Itangazamakuru, ibiro by’Abanyamerika bishinzwe Iperereza (FBI), byashyize ahagaragara inyandiko ku ibazwa ryakorewe Hillary Clinton ushinjwa gukoresha nabi amakuru y’ibanga ry’igihugu muri email ze.

Izo nyandiko zigizwe na Paji 58 zishobora gutuma Hillary Clinton wiyamamariza kuyobora icyo gihugu cy’igihangange, arushaho kujya mu kaga, dore ko n’ubundi abaturage 59% batari bamufitiye icyizere nk’uko RFI dukesha iyi nkuru ibitangaza.

James Comey, Umuyobozi wa polisi ashinja Hillary Clinton kutita ku bintu mu gucunga amabanga y’igihugu. Mu ibazwa rye, Hillary Clinton yavuze ko yizeraga abo bavuganaga. Yanemeye kandi ko atigeze amenya ko inyuguti ya “C” yabaga yanditse kuri izo nyandiko yasobanuraga “confidential” (Bisobanuye ko ari amabanga).

Anavuga kandi ko kuva yava ku mwanya w’Umunyamabanga, atigeze ahabwa amabwiriza ku kubika inyandiko no kuzirinda.

Muri Nyakanga uyu mwaka, FBI ni bwo yakoze iperereza kuri Hillary Clinton n’abo bakoranaga bya hafi, ireba niba barakoresheje nabi amakuru yari abitswe ku buryo bw’ibanga, byakozwe kuri email ye y’umwihariko igihe yari minisitiri w’ububanyi n’amahanga wa Leta Zunze Ubumwe za Amerika.

Hillary Clinton ahakana ko atigeze akoresha nabi amakuru y’ibanga muri email ze, akavuga ko yafunguye iyo email kubera ko byari bimubangukiye.

Icyakora, urwego rw’iperereza muri minisiteri yari ayoboye rwamureze hamwe n’abandi baminisitiri b’ububanyi n’amahanga bamubanjirije, gucunga nabi umutekano wa za email zabo, ari na byo byatumye minisiteri y’ubutabera itangira kugenzura niba ibyo bigize icyaha Hillary Clinton yakurikiranwaho mu nkiko.

Umushinjacyaha mukuru muri Leta Zunze Ubumwe za Amerika, Loretta Lynch yari yavuze ko azemera ibizava mu iperereza rya FBI ndetse n’abashinjacyaha mu gufata umwanzuro wo kumushinja, ariko biza kumenyekana ko umunsi umwe mbere yaho, uyu mushinjacyaha yahuye na Bill Clinton (umugabo wa Hillary Cliton) mu mubonano yasobanuye nk’ikiganiro gisanzwe.

Uwo mushinjacyaha ariko na we yemera ko icyo kiganiro gishobora gushyira urwikekwe ku buryo akazi ke muri iki kibazo kabonwa.

Hillary Clinton uhagarariye ishyaka ry’Abademukarate (Democrates) mu matora y’umukuru w’igihugu, kandi yagiye yotswa igitutu na Donald Trump bahanganiye kuyobora Amerika, na we wamushinjaga kumena amabanga akomeye y’igihugu, ibintu yashingiragaho avuga ko uyu mugore yakurwaho icyizere bitewe n’uko ngo aramutse atowe ntaho yageza igihugu.

Hillary Clinton ahakana ko yamennye amabanga ku bushake

Kwamamaza
IZINDI NKURU WASOMA
TANGA IGITEKEREZO

ANDIKA ICYO UTEKEREZA KURI IYI NKURU

AMATEGEKO AGENGA IYANDIKA RY'IGITEKEREZO CYAWE:
Witandukira kubijyanye n'iyi nkuru; wikwandika ibisebanya, ibyamamaza cyangwa bivangura; wikwandika ibiteye isoni,
Wifuza kubona byihuse ibivugwa/ibisubizo ku gitekerezo cyawe, andika email yawe ahabugenewe.
Igitekerezo cyawe kigaragara nyuma y'isuzuma rikorwa na IGIHE.com
Ibi bidakurikijwe igitekerezo cyanyu gishobora kutagaragara hano cyangwa kigasibwa, Murakoze!
ANDIKA ICYO UTEKEREZA KURI IYI NKURU
Kwamamaza
IBITEKEREZO
Join Us

Socialize with Us
Contacts

Marketing
4546
Editor
078 827 26 21
Management
0788 74 29 08 / 0788 49 69 15

Emails: [email protected], [email protected]

Website Developped by

Uru Rubuga Ruheruka Gushyirwaho Amakuru Monday 26 September 2016
Copyright © 2009 -2014 - IGIHE Ltd - All Rights Reserved