Facebook igiye kongera kwemerera Abanya-Australie kuyinyuzaho amakuru

Yanditswe na Dufitumukiza Salathiel
Kuya 23 Gashyantare 2021 saa 05:06
Yasuwe :
0 0

Ubuyobozi bwa Facebook bwatangaje ko bugiye kongera kwemerera imbuga n’ibitangazamakuru byo muri Australie kuyinyuzaho amakuru, nyuma y’ibiganiro n’abayobozi b’icyo gihugu.

Kuwa 18 Gashyantare 2021, nibwo konti z’ibitangazamakuru n’izindi mbuga zitanga amakuru muri Australie zifashishije Facebook zayihagaritsweho, ndetse n’abari hanze y’icyo gihugu ntibongera kubona amakuru yaho banyuze kuri urwo rubuga rukoreshwa n’abasaga miliyari 2,6 mu Isi.

Ni umwanzuro wafashwe nyuma y’uko mu 2020 Australie yashyizeho itegeko rivuga ko Facebook na Google bizajya byishyurira amakuru yose azabinyuzwaho, kuko biteza igihombo mu kwamamaza.

Guverinoma y’icyo gihugu yagagaragaje ukutanyurwa n’icyemezo cya Facebook cyo guhagarika amakuru, ivuga ko irashaka uko habaho ibiganiro nayo.

BBC yatangaje ko Guverinoma y’icyo gihugu yemeje ko umuyobozi w’urwo rubuga nkoranyambaga, Mark Zuckerberg, yemeye ko amakuru agiye kongera kujya ahanyuzwa mu minsi iri imbere kandi ku buntu.

Abanya-Australie bagiye kongera kubona amakuru banyuze kuri Facebook

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE
Kwamamaza

Special pages
. . . . . .