00:00:00 IGIHE NETWORK KN KINYARWANDA EN ENGLISH FR FRANCAIS

Ebola yongeye kwaduka muri RDC

Yanditswe na Umwali Zhuri
Kuya 9 Ukwakira 2021 saa 10:04
Yasuwe :
0 0

Nyuma y’amezi atanu nta Ebola igaragara muri RDC, hongeye kugaragara umuntu umwe wanduye iki cyorezo nk’uko byatangajwe na Guverinoma y’iki gihugu.

Umuntu wagaragayeho iyi ndwara ni umwana w’imyaka itatu wari mu bitaro ndetse yaje kwitaba Imana ku wa 6 Ukwakira nk’uko Minisiteri y’Ubuzima yabitangaje.

Uwo mwana wapfuye ni uwo muri Kivu ya Ruguru ahitwa Beni.

Ibipimo byafashwe uwo mwana byoherejwe i Goma kugira ngo bikorerwe isuzuma biza kugaragaza ko yari yanduye Ebola.

Itsinda rishinzwe ubuzima ryahise ryoherezwa muri ako gace kugira ngo rikore isuzuma rigenzure abantu nibura 100 ndetse rigire n’uruhare mu gutera imiti amavuriro yo muri ako gace.

Muri Gicurasi, RDC yari yatangaje ko yaciye ukubiri n’icyorezo cya Ebola burundu. Hari hashize iminsi 12 abantu banduye, muri bo batandatu irabahitana. Abantu amagana muri RDC barakingiwe.

Ebola yongeye kugaragara muri Repubulika Iharanira Demokarasi ya Congo

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE
Kwamamaza

Special pages
. . . . . .