Kwamamaza

Donald Trump yigaranzuye Hillary Clinton mu bahabwa amahirwe yo kuyobora Amerika

Yanditswe kuya 1-11-2016 saa 17:16' na Rabbi Malo Umucunguzi


Umunyemari Donald Trump ubu niwe uri imbere ya Hillary Clinton nk’uko byagaragajwe n’igenzura ryakozwe hasuzumwa uwo abaturage babona ko ashobora gutorwa ngo ayobore iki gihugu cy’igihangange.

Mu minsi icyenda ishize, imibare yerekanaga ko Hillary Clinton ariwe uri kuza imbere arusha Trump 12%, ariko habura iminsi irindwi ngo amatora abe, Trump ubu amuri imbere aho amurusha inota rimwe ku ijana.

Clinton yatangiye gutakaza amanota mu buryo bukomeye, cyane nyuma yo kuwa Gatanu ubwo Umuyobozi wa FBI, James Comey, yandikiraga Inteko Ishinga Amategeko avuga ko iperereza ryagaragaje izindi email Clinton yagiye yohereza akoresheje konti ye bwite kandi ari mu kazi ka leta.

Mu igenzura ry’ibishobora kuva mu matora ryakozwe na ABC News ryerekanye ko uyu munsi Trump wo mu ishyaka ry’aba républicain afite amahirwe angana na 46% kuri 45% ya Clinton wo mu ba Democrates.

Hashize iminsi Donald Trump ari inyuma mu mahirwe nyuma y’ibirego by’abagore bamushinjaga bamwe kubafata nabi harimo kubasoma atabisabiye uburenganzira abandi ko yashatse kubasambanya, mu gihe Clinton yari atuje ari kuzamura amahirwe ye yo kuba yicaye muri White House mu minsi mike.

Gusa ariko na mbere y’uko James Comey yandika ibaruwa avuga ko mu iperereza babonye izindi email Clinton yagiye yohereza akoresheje email ye bwite kandi ari mu kazi ka Leta, aba démocrate bari batangiye gutakaza amahirwe.

Ku Cyumweru amajwi ya Clinton yari ari kurusha Trump ho 1%, uyu munsi nawe akaba yageze inyuma ho ijwi rimwe.

Trump ashobora kuba ari imbere arusha Clinton amajwi 8 kuko mu bantu bagaragaje neza ko bazi uwo bazatora, 53% by’abatora bemeje ko biteguye kuba baha amajwi uyu munyemari, mu gihe 45% aribo bemeza ko batora Clinton.

Ibi bipimo ntibihagije mu kugaragaza neza uzatsinda amatora. Mbere y’icyumweru kimwe mu myaka ine ishize, Uwahoze ari Guverineri wa leta ya
Massachusetts, Mitt Romney yari imbere ya Barack Obama uri ku butegetsi, ariko byarangiye Obama ariwe utsinze amatora.

Ibintu nk’ibyo kandi byabaye mu 2004, umu démocrate John Kerry, uyu munsi ufite inshingano z’Umunyamabanga wa Leta Ushinzwe Ububanyi n’Amahanga yarushaga inota rimwe George W. Bush ariko ntiyabasha kumutsinda.

Trump yigaranzuye Clinton amurusha inota rimwe

Kwamamaza

Kwamamaza
IZINDI NKURU WASOMA
TANGA IGITEKEREZO

ANDIKA ICYO UTEKEREZA KURI IYI NKURU

AMATEGEKO AGENGA IYANDIKA RY'IGITEKEREZO CYAWE:
Witandukira kubijyanye n'iyi nkuru; wikwandika ibisebanya, ibyamamaza cyangwa bivangura; wikwandika ibiteye isoni,
Wifuza kubona byihuse ibivugwa/ibisubizo ku gitekerezo cyawe, andika email yawe ahabugenewe.
Igitekerezo cyawe kigaragara nyuma y'isuzuma rikorwa na IGIHE.com
Ibi bidakurikijwe igitekerezo cyanyu gishobora kutagaragara hano cyangwa kigasibwa, Murakoze!
ANDIKA ICYO UTEKEREZA KURI IYI NKURU
Kwamamaza
IBITEKEREZO
Join Us

Socialize with Us
Contacts

Marketing
4546
Editor
078 827 26 21
Management
0788 74 29 08 / 0788 49 69 15

Emails: [email protected], [email protected]

Website Developped by

Uru Rubuga Ruheruka Gushyirwaho Amakuru Sunday 4 Ukuboza 2016
Copyright © 2009 -2014 - IGIHE Ltd - All Rights Reserved