Donald Trump yasabye ko abarinzi ba Hillary Clinton bamburwa imbunda

Yanditswe na Philbert Girinema
Kuya 18 Nzeri 2016 saa 08:35
Yasuwe :
0 0

Umukandida ku mwanya wa Perezida wa Leta Zunze Ubumwe za Amerika uhagarariye ishyaka ry’aba Républicains Donald Trump yongeye kwibasirwa kubera imvugo ze, nyuma y’uko yakomoje ku iyicwa rya mugenzi we bahanganye ukomoka mu ishyaka ry’aba démocrate, Hillary Clinton, ku nshuro ya kabiri.

Trump yavuze ko abarinzi ba Clinton bashobora kureka gukoresha imbunda ubundi “bakareba ibimubaho”.

Hillary Clinton ashyigikiye ko Amerika ikora ibishoboka mu kugenzura ikoreshwa ry’imbunda muri iki gihugu, nubwo muri Nyakanga yabwiye Inteko y’Aba démocrate ati "Ntabwo ndi hano kugira ngo mbambure imbunda zanyu.’’

Ubwo yabwiraga imbaga y’abarwanashyaka be muri Miami kuri uyu wa Gatanu, Donald Trump yagize ati “Ndatekereza ko abarinzi be bashobora guhagarika kwitwaza intwaro. Bagahagarika gukoresha imbunda. Sibyo?”

"Mubambure imbunda zabo, ntabwo ashaka imbunda. Mubambure imbunda ubundi murebe ibimubaho. Mubambure imbunda. Yego, bizaba bibi cyane.’’

BBC yatangaje ko Umuvugizi wa Hillary Clinton, Robby Mook, yahise amusubiza amwamagana ati “Byaba byakozwe mu guhembera imyigaragambyo cyangwa se niba byari ugutebya, ntabwo bikwiriye ku muntu uri guhatanira kuba Umugaba w’Ikirenga w’Ingabo.’’

Amagambo ya Trump yabyukije andi yaherukaga kuvuga mu kwezi gushize, aho bamwe mu ba démocrate bayafashe nk’ahamagarira ko Clinton yicwa.


Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE

Kwamamaza

Kwamamaza


Warning: mysqli_query(): (HY000/1194): Table 'spip_jobs' is marked as crashed and should be repaired in /home/lex94/public_html/ecrire/req/mysql.php on line 244