Kwamamaza

Donald Trump yakuye Samantha Power ku mwanya wa Ambasaderi muri Loni

Yanditswe kuya 23-11-2016 saa 15:01' na Rabbi Malo Umucunguzi


Perezida Mushya wa Leta Zunze Ubumwe za Amerika, Donald Trump, yagize Nikki Haley wari usanzwe ari Guverineri wa Leta ya Carolina y’Epfo, Ambasaderi w’icyo gihugu mu Muryango w’Abibumbye.

Trump ukomeje gushyiraho abayobozi bashya muri iki gihe cy’inzibacyuho, ahaye uyu mwanya guverineri Nikki wakunze kumunenga cyane, aho agiye gusimbura Samantha Power wari uri kuri uwo mwanya kuva mu 2013.

Biteganyijwe ko uyu munsi aribwo itangazo ryeruye rijya ahagaragara, ariko ikinyamakuru The Charleston Post and Courier, cyabimburiye ibindi gutangaza ayo makuru, ndetse bihita bikwira muri Leta Zunze Ubumwe za Amerika.

Haley w’imyaka 44 ni umugore uvuka ku bimukira b’Abahinde, wakunze kugaragara mu matora aheruka anenga Donald Trump, ahubwo agaragaza ko ashyigikiye Marco Rubio, ariko nyuma aza kwerura ko ashyigikiye Senateri Ted Cruz ubwo uwo yari ashyigikiye mbere yari amaze kwivana mu matora.

Samantha Power w’imyaka 46, ni umwe mu bakunze kunenga cyane u Rwanda, nk’aho atashimishijwe n’ivugururwa ry’Itegeko Nshinga ngo Perezida Kagame yemererwa kwiyamamaza mu 2017, aho yavuze ko u Rwanda rushobora kugera ku mahoro arambye n’iterambere binyuze muri guverinoma ishingiye ku mahame ya demokarasi, aho kuba ku muntu umwe.

Nikki Haley wari usanzwe ari Guverineri wa Leta ya Carolina y’Epfo, yagizwe Ambasaderi wa Leta Zunze Ubumwe za Amerika muri Loni

Kwamamaza

Kwamamaza
IZINDI NKURU WASOMA
TANGA IGITEKEREZO

ANDIKA ICYO UTEKEREZA KURI IYI NKURU

AMATEGEKO AGENGA IYANDIKA RY'IGITEKEREZO CYAWE:
Witandukira kubijyanye n'iyi nkuru; wikwandika ibisebanya, ibyamamaza cyangwa bivangura; wikwandika ibiteye isoni,
Wifuza kubona byihuse ibivugwa/ibisubizo ku gitekerezo cyawe, andika email yawe ahabugenewe.
Igitekerezo cyawe kigaragara nyuma y'isuzuma rikorwa na IGIHE.com
Ibi bidakurikijwe igitekerezo cyanyu gishobora kutagaragara hano cyangwa kigasibwa, Murakoze!
ANDIKA ICYO UTEKEREZA KURI IYI NKURU
Kwamamaza
IBITEKEREZO
Join Us

Socialize with Us
Contacts

Marketing
4546
Editor
078 827 26 21
Management
0788 74 29 08 / 0788 49 69 15

Emails: [email protected], [email protected]

Website Developped by

Uru Rubuga Ruheruka Gushyirwaho Amakuru Tuesday 6 Ukuboza 2016
Copyright © 2009 -2014 - IGIHE Ltd - All Rights Reserved