Donald Trump aritegura kugirana ikiganiro na Mueller mu iperereza ku kibazo cy’u Burusiya

Yanditswe na Evariste Nsengimana
Kuya 7 Mata 2018 saa 05:48
Yasuwe :
3 3

Perezida wa Leta Zunze Ubumwe za Amerika, Donald Trump, yatangije imyiteguro yo kugirana ikiganiro n’Umujyanama wihariye, Robert Mueller, uri gukora iperereza ku ruhare rw’u Burusiya mu matora ya Perezida yabaye mu 2016 muri iki gihugu.

Amakuru aturuka mu biro bya Perezida wa Amerika, White House n’inshuti za Trump kuva kuri uyu wa Gatanu, ariko we ataremeza, arahamya ko abajyanama n’abanyamategeko be bari mu myiteguro yo kureba niba ikiganiro na Mueller, ku bibazo byatangiye kuvugwa kuva atorewe inshingo zo kuyobora iki gihugu cy’igihangange, ko u Burusiya bwivanze muri ayo matora, cyazaba.

CNN dukesha iyi nkuru yatangaje ko Perezida Trump utarahwemye guhakana ko nta ruhare na mba u Burisiya bwigeze bugira mu matora yahigitsemo Hillary Clinton, inshuti ze ziri gukeka ko nubwo icyo kiganiro cyazakorwa, gishobora kuzaba cyuzuyemo ibinyoma ariko bakavuga ko atabeshya kuko kubeshya urwego rw’ubutasi nka FBI ari icyaha yaba yishyizeho.

Bamwe mu banyamategeko bashinzwe gukurikirana ibijyanye n’iperereza rya Mueller barimo Ty Cobbna Jay Sekulow, banze kugira icyo batangaza ku bijyanye n’icyo kiganiro, gusa Trump yakomeje kugaragaza ko yifuza gukura urujijo ku gihuha avuga ko kigamije guharabika ubuyobozi bwe binyuze mu kugirana ikiganiro na Mueller, bivugwa yanagerageje kwirukana ntabigereho.

Mu mezi asaga abiri ashize, abanyamategeko ba Trump bari bagaragaje ko batifuza ko yazagirana ikiganiro na Mueller, gusa muri iki cyumweru Umunyamabanga we ushinzwe itangazamakuru, Sarah Sanders, yavuze ko ibiganiro bikomeje hagati ya Trump n’abanyamategeko basuzuma niba koko cyakorwa.

Ku wa Kabiri w’iki cyumweru yagize ati "Perezida ari gukorana n’itsinda ry’abanyamategeko be kugira ngo babifateho umwanzuro. Turacyakomeza gukorana n’ibiro by’Umujyanama wihariye, Robert Mueller, tuzakomeza kwemeza ibyo twavuze mu mwaka wose ko u Burusiya butigeze bwivanga.”

Mu biganiro byahuje intumwa nkuru z’impande zombi, izo ku ruhande rwa Mueller zagaragaje ibimenyetso simusiga ko Trump yinjiye cyane muri icyo kibazo birimo kuba yarirukanye Umuyobozi mukuru wa FBI, James Comey n’intumwa nkuru ya Leta Jeff Sessions, abashinja kugicukumburaho no kuba hari amajwi yumvirijwe ahamagara agisha inama umujyanama wa Leta mu by’umutekano, Michael Flynn.


Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE

Kwamamaza

Kwamamaza