Kwamamaza

Cuba: Hashyizweho iminsi icyenda yo kunamira Fidel Castro

Yanditswe kuya 27-11-2016 saa 09:16' na Evariste Nsengimana


Kuva taliki ya 26 Ugushyingo kugeza taliki ya 4 Ukuboza 2016 muri Cuba, ni iminsi yo guha icyubahiro umukambwe Fidel Castro wazanye impinduramatwara akaba na Perezida w’iki gihugu witabye Imana afite imyaka 90 y’amavuko.

Fidel Castro yavutse mu 1926, yitaba Imana kuwa 26 Ugushyingo 2016, nta ndwara irashyirwa ahagaragara ariko kuva 2008 ubuzima bwe ntibwari bumeze neza kubera indwara yo mu mara (Diverticulitis).

Muri iyo minsi yo guha icyubahiro Castro yatangiye kuwa Gatandatu, hazabamo umuhango wo gutwika umurambo we, ivu rikajyanwa mu Majyepfo ashyira Uburasirazuba bw’Umujyi wa Santiago de Cuba.

Kuva hatangazwa urupfu rwe, abanya-Cuba benshi bari mu mihanda n’amabendera bagaragaza agahinda n’umubabaro batewe no kubura umuntu bafata nk’intwari.

Abayobozi bakomeye ku Isi bavuze ko Isi ibuze umuntu ukomeye utazibagirana mu kinyejana cya 20 uretse Donald Trump wamwise umunyagitugu.

Perezida w’u Burusiya Vladmir Putin na Xi Jinping w’u Bushinwa bavuga ko babuze inshuti ikomeye.

Umunyamabanga Mukuru w’Umuryango w’Abibumbye, Ban Ki Moon yashyimye ubwitange Castro yagize ateza imbere uburezi n’ubuzima anavuga ko yiringiye ko Cuba izakomeza iyo nzira.

Umushumba wa Kiliziya Gatolika Papa Francis wigeze guhura na Castro mu 2016, yavuze ko urupfu rwe ari inkuru ibabaje.

Perezida wa Leta Zunze Ubumwe za Amerika, Barack Obama, wongeye kuzura umubano wa Amerika na Cuba mu 2015, wari warajemo agatotsi kuva mu ntambara y’ubutita, yavuze ko amateka ya Castro atazibagirana.


Kwamamaza

Kwamamaza
IZINDI NKURU WASOMA
TANGA IGITEKEREZO

ANDIKA ICYO UTEKEREZA KURI IYI NKURU

AMATEGEKO AGENGA IYANDIKA RY'IGITEKEREZO CYAWE:
Witandukira kubijyanye n'iyi nkuru; wikwandika ibisebanya, ibyamamaza cyangwa bivangura; wikwandika ibiteye isoni,
Wifuza kubona byihuse ibivugwa/ibisubizo ku gitekerezo cyawe, andika email yawe ahabugenewe.
Igitekerezo cyawe kigaragara nyuma y'isuzuma rikorwa na IGIHE.com
Ibi bidakurikijwe igitekerezo cyanyu gishobora kutagaragara hano cyangwa kigasibwa, Murakoze!
ANDIKA ICYO UTEKEREZA KURI IYI NKURU
Kwamamaza
IBITEKEREZO
Join Us

Socialize with Us
Contacts

Marketing
4546
Editor
078 827 26 21
Management
0788 74 29 08 / 0788 49 69 15

Emails: [email protected], [email protected]

Website Developped by

Uru Rubuga Ruheruka Gushyirwaho Amakuru Monday 5 Ukuboza 2016
Copyright © 2009 -2014 - IGIHE Ltd - All Rights Reserved