00:00:00 IGIHE NETWORK KN KINYARWANDA EN ENGLISH FR FRANCAIS

Covid-19: Trump yasabye u Bushinwa kwishyura Amerika miliyari ibihumbi icumi by’amadolari

Yanditswe na Bukuru JC
Kuya 6 Kamena 2021 saa 08:04
Yasuwe :
0 0

Donald Trump wahoze ari Perezida wa Leta Zunze Ubumwe za Amerika yasabye u Bushinwa kwishyura icyo gihugu impozamarira miliyari ibihumbi icumi z’amadolari kubwo kunanirwa guhangana na Coronavirus igahagarika ubukungu n’imibereho by’abatuye isi.

Yabitangaje kuri uyu wa Gatandatu ubwo yari yitabiriye inteko rusange y’Ishyaka ry-aba-Républicains muri Leta ya North Carolina mu mujyi wa Greenville.

Trump yavuze ko kugira ngo Covid-19 ikwirakwire ku Isi byaturutse ku burangare bw’u Bushinwa, bityo ko icyo gihugu kigomba kwishyura impozamarira.

Yavuze ko kandi ibihugu byajyaga biguriza u Bushinwa bikwiriye guhagarika amadeni byatangaga.

Muri iyo nama Trump yibasiye Dr Anthony Fauci uyobora ikigo gishinzwe indwara zandura muri Amerika amunenga ingamba zashyizweho mu guhangana na Coronavirus zirimo kwambara agapfukamunwa, ibintu Trump yari yaranze ubwo yari ku butegetsi.

Yashinje Fauci kuba umuntu ukunda kwigaragaza kurusha kuba umuganga kubera uburyo akunze kugaragara mu binyamakuru avuga ingamba zo kwirinda Covid-19.

Gusuzugura Covid-19 no kugenda biguru ntege mu gufata ingamba zo kwirinda biri mu byatumye Trump atsindwa amatora ya Perezida yabaye mu Ugushyingo 2020. Ni icyorezo kimaze guhitana hafi abantu ibihumbi 600 muri icyo gihugu mu gihe abasaga miliyoni 33 bamaze kucyandura.

Trump yavuze ko u Bushinwa bukwiriye guha Amerika impzamarira

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE
Kwamamaza

Special pages
. . . . . .