00:00:00 IGIHE NETWORK KN KINYARWANDA EN ENGLISH FR FRANCAIS

Covid-19: Minisitiri w’Intebe n’uw’Imari mu Bwongereza bagiye kwishyira mu kato

Yanditswe na Akayezu Jean de Dieu
Kuya 18 Nyakanga 2021 saa 02:55
Yasuwe :
0 0

Minisitiri w’Intebe w’u Bwongereza, Boris Johnson na Minisitiri w’Imari Rishi Sunak batangaje ko bagiye kwishyira mu kato nyuma yo guhura n’Umunyamabanga Ushinzwe Ubuzima muri iki gihugu, Sajid Javid, uherutse gusanganwa icyorezo cya Covid-19.

Byakozwe nyuma y’igitutu bokejwe ubwo batangazaga ko bazitabira gahunda gutangira gupima abantu muri site zitandukanye buri munsi.

Itangazo ryavuye mu biro bya Minisitiri w’Intebe, ryavuze ko inzego z’ubuzima zegereye abo bayobozi, zikabamenyesha ko bagomba kwishyira mu kato nk’abaherutse guhura n’umuntu wanduye.

Mu Bwongereza, umuntu wahuye n’uwanduye Covid-19 asabwa kwishyira mu kato mu gihe cy’iminsi nibura icumi.

Hazasuzumwa niba bakwemererwa gukomeza gukorera mu biro ariko mu gihe biri ngombwa, ubundi ntibajye ahahurira abantu benshi.

Mu Bwongereza abamaze kwandura Covid-19, bamaze kugera kuri 5.386.340 naho abamaze guhitanwa nayo ni 128.683. Abamaze guhabwa urukingo rwa mbere muri iki gihugu ni 46.227.101.

Minisitiri w’Intebe w’u Bwongereza, Boris Johnson yatangaje ko agiye kwishyira mu kato

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE
Kwamamaza

Special pages
. . . . . .