British Airways yaciwe miliyoni £183 nyuma yo kunanirwa kubika amakuru y’abakiriya bayo

Yanditswe na Ndayikunda Josué
Kuya 9 Nyakanga 2019 saa 01:14
Yasuwe :
0 0

Sosiyete ya British Airways yaciwe amande ya miliyoni 183 z’amapawundi nyuma yuko bitahuwe ko yashyize amabanga y’abakiriya bayo hanze.

British Airways ya IAG yavuze ko itangajwe ndetse yatunguwe n’ibihano yafatiwe n’ibiro bishinzwe iby’amakuru (ICO), ivuga ko amakuru yibwe n’abajura mu by’ikoranabuhanga (hackers) bibasiye urubuga rwayo.

ICO ivuga ko yahannye British Airways, yatangaje ko igihano cyahawe British Airways aricyo cyambere gikakaye itanze bigendanye n’amabwiriza mashya.

Nk’uko BBC yabitangaje, ICO yavuze ko iyibwa ry’amakuru ryabaye nyuma y’uko abakoresha urubuga rwayo barufunguraga bagasanga ari urwa baringa. Binyuze kuri uru rubuga rwa baringa, abagera ku 500 000, bibwe amakuru n’abo bajura.

Umuyobozi ushinzwe ibigendanye n’amakuru y’abantu mu Bwongereza, Elizabeth Denham, yavuze amakuru bwite y’abantu aba agomba kuguma ari ubwiru, yongeraho ko ikigo byananiye kuyarinda no kuyasigasira aba ari ikibazo gikomeye.

Yagize ati “Amakuru bwite y’umuntu aba ari aye wenyine. Iyo ikigo cyananiwe kuyarinda kubura, umutekano wayo ndetse no kwibwa biba ari ikibazo gikomeye. Amategeko arasobanutse niba abantu bakwizeye bakakubitsa amabanga yabo, ugomba kuyarinda. Abo bizananira tuzabagenzura.”

ICO ivuga ko amakuru y’abakiriya ba British Airways yatangiye kujya hanze kuva mu 2018, arimo amazina, email, amakuru y’aho babarizwa n’amakarita bishyuriraho (credit cards).

Uretse igihano gifatiwe British Airways, Facebook niyo yaherukaga gufatirwa ibihano nyuma yuko amakuru y’abayikoresha bagera kuri miliyoni 50 yibwe. Facebook yaciwe amande angana na miliyoni 456.7 Frw ni ukuvuga 500 000 by’amapawundi.

British Airways yahaniwe kunanirwa kurinda amakuru y'abakiriya bayo

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE

Kwamamaza

Kwamamaza