00:00:00 IGIHE NETWORK KN KINYARWANDA EN ENGLISH FR FRANCAIS

Brésil: Umubare w’abamaze kwicwa na Covid-19 warenze ibihumbi 500

Yanditswe na Muhonzire Sylvine
Kuya 20 Kamena 2021 saa 01:42
Yasuwe :
0 0

Abantu 500 800 muri Brésil bamaze guhitanwa na Covid-19, iki cyikaba kibaye igihugu cya kabiri nyuma ya Leta Zunze Ubumwe z’Amerika gipfushije abantu barenze ibihumbi 500.

Izamuka ry’imibare ryatumye abaturage birara mu mihanda bamagana Perezida Jair Bolsonaro, bamushinja ko ariwe watumye ubwandu bwiyongera kuko adashyigikira ingamba zo kwirinda iki cyorezo.

Bavuga ko Perezida atigeze ashyira imbaraga muri gahunda zo kwirinda zirimo kwambara udupfukamunwa, guhana intera, guma mu rugo n’izindi, ndetse ngo ntiyigeze ashyigikira gahunda y’inkingo ibi bikaba byaratije umurindi Covid-19.

Kudaha agaciro inkingo byatumye igikorwa cyo gukingira kigenda biguru ntege mu gihugu dore ko ubu 11% aribo bamaze guhabwa doze ebyiri, naho 29% bahawe doze ya mbere y’urukingo.

Kugeza ubu muri Brésil harabarirwa abantu basaga miliyoni 17 bamaze kwandura Covid-19.

Brésil yabaye igihugu cya kabiri ku isi kigize abantu basaga ibihumbi 500 bishwe na Covid-19

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE
Kwamamaza

Special pages
. . . . . .