Brazil: Imvururu zabereye muri gereza zaguyemo imfungwa 25

Yanditswe na Ishimwe Israel
Kuya 17 Ukwakira 2016 saa 10:48
Yasuwe : XX
0

Imfungwa zigera kuri 25 zapfuye nyuma y’imvururu zabereye muri gereza iherereye mu Mujyi wa Boa Vista mu Majyaruguru ya Brazil kuri iki Cyumweru.

Polisi yatangaje ko mu bapfuye harimo barindwi baciwe imitwe mu gihe abandi batandatu batwitswe kugeza bashizemo umwuka.

Capt Falkner Ferreira yabwiye ikinyamakuru G1, ko izi mvururu zavutse mu masaha yo gusura ubwo zimwe mu mfungwa zinjiraga mu kandi gace ka gereza kabamo itsinda basa n’aho bahanganye.

Umwe mu babonye ubu bushyamirane buba yatangaje ko izi mfungwa zari zitwaje ibyuma ndetse n’inkoni.

Amakuru akomeza avuga ko bamwe mu bashyitsi 100 bari baje gusura nyuma bakaza gufatwa bugwate barekuwe kandi ko n’imvururu zahoshejwe.

Umubare nyawo w’abapfuye nturamenyekana, hategerejwe ko imfungwa zose zibarurwa. Iyi gereza ifite ubushobozi bwo kwakira imfungwa 740 yari isanzwe ifungiwemo abagera ku 1400.

Brazil ni cyo gihugu cya kane ku Isi mu kugira imfungwa nyinshi aho abarenga ibihumbi 600 babarizwa mu gihome.

Ku mwanya wa mbere w’ibihugu bifite abantu benshi bari muri gereza haza Leta Zunze Ubumwe za Amerika ifite abarenga 2 217 947.

Umwe mu bashinzwe umutekano ku muryango wa gereza

[email protected]


Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE

Kwamamaza

Kwamamaza