Kwamamaza

Brazil: Ibihumbi by’abaturage byabyukiye mu mihanda hamaganwa iyeguzwa rya Dilma Roussef

Yanditswe kuya 5-09-2016 saa 12:52' na Jean Louis Uwishyaka


Kuri iki cyumweru tariki 4 Nzeri 2016, ibihumbi by’Abaturage ba Brazil byabyukiye mu mihanda byamagana icyemezo giherutse gufatwa n’Abasenateri cyo kweguza uwari Perezida w’iki gihugu Dilma Rousseff.

Aba baturage basaga ibihumbi 100 bari bahuriye mu mihanda y’ahitwa Paulista, bamaganye bikomeye Perezida mushya washyizweho ngo asimbure Rousseff ari we Michel Temer bavuga ko ibyo yakoze ari nko guhirika ku butegetsi Rousseff.

Aba baturage ngo bari bitwaje ibyapa byariho amagambo agira ati "Twitandukanije na Temer!" ndetse n’andi yagiraga ati "Amatora yihuse ubu ngubu!"

Dilma Rousseff yegujwe n’abasenateri ku wa gatatu w’icyumweru gishize bamushinja kuba yarabeshye imibare yagaragazaga uko ubukungu buhagaze muri iki gihugu, gusa we yagaragaje ko ibyo bamushinja byose ari ibinyoma kuko we ngo yumva nta cyo umutima we umushinja. Ibyo byatumye akurwa ku mwanya w’umukuru w’igihugu asimbuzwa Temer wahoze ari Visi Perezida we.

Muri iyo myigaragambyo yabaye kuri iki cyumweru, abigaragambya ngo batangiye bayikora mu mutuzo, gusa ngo byaje kurangira bakozanyijeho n’inzego zishinzwe umutekano zibamishamo amazi ndetse n’ibyuka biryana mu maso mu rwego rwo kubatatanya.

Ubwo ibi byabaga [imyigaragambyo], Perezida mushya wa Brazil Michel Temer yari mu gihugu cy’u Bushinwa aho yari yitabiriye inama ihuza ibihugu 20 bya mbere bikize cyane G20, aho yatangaje ko imyigaragambyo yakozwe n’itsinda ry’abantu bake bashakaga kugumura abandi.

Yagize ati"Abo ni udutsinda duto duto, ntabwo mfite imibare nyayo ariko bari abantu babarirwa muri 40, 50, 100. Nta kindi kintu kirenze icyo, urumva abantu nk’abo muri miliyoni 204 z’abatuye Brazil ntabwo nkeka ko hari kinini bisobanuye."

Gusa ngo abatamushyigikiye bahise bamaganira kure iby’imibare yari amaze gutangaza bemeza ko iyi myigaragambyo yitabiriwe n’abasaga ibihumbi 100 nkuko Daily Nation ibitangaza.


Kwamamaza
IZINDI NKURU WASOMA
TANGA IGITEKEREZO

ANDIKA ICYO UTEKEREZA KURI IYI NKURU

AMATEGEKO AGENGA IYANDIKA RY'IGITEKEREZO CYAWE:
Witandukira kubijyanye n'iyi nkuru; wikwandika ibisebanya, ibyamamaza cyangwa bivangura; wikwandika ibiteye isoni,
Wifuza kubona byihuse ibivugwa/ibisubizo ku gitekerezo cyawe, andika email yawe ahabugenewe.
Igitekerezo cyawe kigaragara nyuma y'isuzuma rikorwa na IGIHE.com
Ibi bidakurikijwe igitekerezo cyanyu gishobora kutagaragara hano cyangwa kigasibwa, Murakoze!
ANDIKA ICYO UTEKEREZA KURI IYI NKURU
Kwamamaza
IBITEKEREZO
Join Us

Socialize with Us
Contacts

Marketing
4546
Editor
078 827 26 21
Management
0788 74 29 08 / 0788 49 69 15

Emails: [email protected], [email protected]

Website Developped by

Uru Rubuga Ruheruka Gushyirwaho Amakuru Friday 30 Nzeri 2016
Copyright © 2009 -2014 - IGIHE Ltd - All Rights Reserved