Beijing yahigitse New York iba umujyi wa mbere utuwe n’abatunze miliyari y’amadolari ​benshi ku Isi

Yanditswe na IGIHE
Kuya 8 Mata 2021 saa 03:37
Yasuwe :
0 0

Umujyi wa Beijing wo mu Bushinwa ni wo utuwe n’umubare munini w’abantu batunze miliyari y’Amadorali ku Isi.

Beijing ifashe uyu mwanya iwukuyeho Umujyi wa New York wo muri Leta Zunze Ubumwe za Amerika wari umaze imyaka irindwi ufatwa nk’aho ariwo utuwe n’abatunze miliyari z’Amadorali benshi ku Isi.

Mu mwaka ushize abatunze miliyari y’amadolari bari batuye i Beijing biyongereyeho 33 bituma umubare wabo bose ugera ku 100, mu gihe New York yo ifite abagera kuri 99. Gusa nubwo bimeze gutya New York niyo ikiri imbere mu bijyanye n’igiteranyo cy’amafaranga aba bakire batunze ugereranyije na Beijing.

Forbes yatangaje ko abakire batunze miliyari i New York amafaranga yabo asumbaho miliyari 80$ ay’abakire batunze miliyari bo muri Beijing. Urutonde rugaragaza ko umukire wa mbere muri Beijing ari nyiri TikTok, Zhang Yiming ufite miliyari 35,6$ mu gihe umukire wo muri New York ari Michael Bloomberg ufite miliyari 59$.

Indi mijyi iri kuri uru rutonde nk’ifite umubare munini w’abantu batunze miliyari harimo Hong Kong, Moscow, Shenzhen, Shangai, Londres na Mumbai.

Beijing yahigitse New York ku kuba umujyi wa mbere utuwe n’abatunze miliyari z'amadolari benshi ku Isi

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE
Kwamamaza

Special pages
. . . . . .