00:00:00 IGIHE NETWORK KN KINYARWANDA EN ENGLISH FR FRANCAIS

Autriche yasubijwe muri Guma mu Rugo

Yanditswe na Bukuru JC
Kuya 19 Ugushyingo 2021 saa 06:51
Yasuwe :
0 0

Leta ya Autriche yafashe icyemezo kigoye cyo kugarura gahunda ya Guma mu Rugo, nyuma y’uko ubwiyongere bwa Covid-19 bukomeje kuvuza ubuhuha, aho abarenga ibihumbi 15 basanzwemo iki cyorezo ku munsi umwe gusa, mu gihugu gituwe n’abaturage batarenze miliyoni 10.

Leta y’iki gihugu kandi yatangaje ingamba zikomeye, aho kwikingiza byagizwe itegeko kuri buri muntu wese mukuru, abatabikoze bakazashyirirwaho ingamba zo kubakumira mu bice bitandukanye buhuriramo abantu benshi. Iki cyemezo kikazatangira gushyirwa mu bikorwa ku itariki ya 1 Gashyantare umwaka utaha.

Chancellor mushya w’icyo gihugu, Alexander Schallenberg, yavuze ko iyi gahunda ya Guma mu Rugo izamara iminsi 20, gusa ibikorwa birimo amashuri bikazakomeza ku banyeshuri badashobora kwigira mu rugo.

Kuva ku itariki ya 1 Gashyantare umwaka utaha, umuntu utazaba yarikingije muri Autriche azajya abihanirwa n’amategeko. Iki gihugu cyari giherutse gusaba abantu batikingije kwishyira muri Guma mu Rugo, ariko ibi ntacyo byatanze gifatika kuko ubwandu bwakomeje kwiyongera.

Ibihugu birimo u Budage biri gutekereza uburyo bishobora gushyiraho Guma mu Rugo ku bantu batikingije, bitewe n’uko imibare y’abanduye iki cyorezo ikomeje kuzamuka cyane.

Autriche yasubijwe muri Guma mu Rugo

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE
Kwamamaza

Special pages
. . . . . .