Audrey Pulvar, umunyamakuru w’icyamamare mu Bufaransa yashinje se wapfuye gufata ku ngufu mubyara we

Yanditswe na Uwiduhaye Theos
Kuya 30 Werurwe 2021 saa 08:00
Yasuwe :
0 0

Audrey Pulvar, umunyamakuru w’icyamamare mu Bufaransa yashinje se Marc Pulvar witabye Imana gufata ku ngufu mubyara we baryamanye ku buriri bumwe.

Yabivuze nyuma yaho Marc Pulvar mu byumweru bishize yashinjwe n’abakobwa batatu kuba yari afite uburwayi butera ibyiyumviro byo kuryamana cyane cyane n’abakobwa bakiri bato bikunze kwitwa ‘Pedophilia’. Abamushinje barimo Karine Mousseau, Barbara Glissant na Valérie Fallourd yari abereye nyirarume.

Nyuma Audrey Pulvar, umukobwa wa Marc Pulvar yatangaje ko ibyavuzwe kuri se bitakozwe hagamijwe guhindanya isura ye.

Ati “Nshaka kubabwira mwese mutekereza ko igikorwa cya babyara banjye cyo kuvuga uyu munsi nyuma nyuma y’imyaka 45, gishobora kuba gifite aho gihuriye na politiki cyangwa cyazamuwe kubera ko hari umwanya ndi kwiyamamariza cyangwa se gusibanganya urwibutso ko atari byo. Abahohotewe bafite uburenganzira bwo kuvuga igihe babishoboye, iyo bumva bari mu bihe byiza kandi biboroheye kuba bavuga amarangamutima yabo.”

Yakomeje avuga ko ashyigikiye babyara kubera iyi ntambwe bateye yo kuvuga ibyababayeho kuko bidashoborwa na benshi.

Ati “Barashoboye kandi bahisemo kubikora uyu munsi. Ndabashyigikiye nivuye inyuma kandi nishimiye imbaraga zabo. Nizeye ko bazumvwa kandi ijambo ryabo rikubahwa. Buri gihe mba ndi ku ruhande rw’abakorewe icyaha.”

Yigereranya n’umukobwa wavutse nyamanswa ndetse mu kiganiro yagiranye na BFMTV yavuze ko umwe muri babyara be afatwa ku ngufu nawe yari ahari, avuga ko ibi bintu byabaye inzozi mbi kuri we mu myaka yatambutse ndetse bikamutera kwibaza ibibazo byinshi.

Marc Pulvar ushinjwa gufata abana yari abereye nyirarume ku ngufu bakiri bato, yari umwarimu w’imibare ndetse yagize uruhare runini mu kubaka politiki yo mu Birwa bya Martinique bishamikiye k’u Bufaransa. Yitabye Imana ku myaka 71 mu 2008.

Umukobwa we Audrey Pulvar w’imyaka 49, ni umwe mu bubatse ibigwi mu itangazamakuru mu Bufaransa kuko yaciye mu bitangazamakuru bitandukanye bikomeye, ndetse ubu yinjiye muri politiki.

Audrey Pulvar, umunyamakuru w'icyamamare mu Bufaransa yashinje se gufata ku ngufu mubyara we
Audrey Pulvar ni umunyamakuru w'icyamamare mu Bufaransa gusa magingo aya yinjiye muri politiki

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE
Kwamamaza

Special pages
. . . . . .