Kwamamaza

Apple ishobora gutangira gukorera iPhone muri Amerika kubera gutinya Trump

Yanditswe kuya 25-11-2016 saa 12:49' na Mukaneza M.Ange


Nyuma y’ibyumweru bisaga bibiri, Donald Trump atorewe kuba Perezida wa Leta Zunze Ubumwe za Amerika, uruganda rwa Apple rukora ibikoresho by’ikoranabuhanga rwasabye inganda zirwunganira mu gukora iPhone kwimurira ibikorwa byazo muri iki gihugu.

N’ubwo muri Kamena 2016 aribwo ibi Apple yabisabye inganda za Oxconn Technology Group na Pegatron zombi zibarizwa muri Taiwan, hari ababihuza no kuba igihe Trump yiyamamazaga yaravuze ko azahagurukira ikibazo cy’abajyana mu bindi bihugu imirimo yagakwiye gukorwa n’Abanyamerika.

Muri Werurwe nibwo Trump yavuze ko muri Amerika hari abantu bazi ubwenge kandi bafite ubushobozi kandi ko azategeka Apple gutangira gukorera mudasobwa n’ibindi bikoresho imbere mu gihugu.

Ikinyamakuru Nikkei Asian Review kivuga ko Foxconn Technology Group isanzwe ifasha Apple guteranya ibikoresho byayo yemeye ubusabe bwayo, Pegatron yo yabyanze ivuga ko byahenda.

Izi sosiyete zishobora gukora telefoni zirenga miliyoni 200 za iPhone buri mwaka.

Terry Gou washinze Foxconn Technology Group yavuze ko nubwo bemeye ubwo busabe ndetse batangiye kubusuzuma hari impungenge ku buryo gukorera iPhone muri Amerika bizaba bihenze ku buryo ikiguzi gishobora kwikuba kabiri.

Mu butumwa yoherereje abakozi nyuma y’amatora, Umuyobozi Mukuru wa Apple, Tim Cook yabasabye gukomeza urugendo bunze ubumwe batitaye ku bakandida bari bashyigikiye.

Cook utarigeze agira na hamwe avuga izina Trump yasabye abakozi bose guhumurizanya igihe hari ucitse intege, kuko Apple ari nk’umuryango bahuriyemo.

Nubwo Trump avuga kugarura imirimo y’inganda muri Amerika, benshi mu bafite ubunararibonye bavuga ko ari ibintu bisa n’ibidashoboka kuko u Bushinwa bufite ubumenyi, n’abakozi benshi ugereranyije na Leta Zunze Ubumwe za Amerika.

Nyinshi mu nganda zo muri Amerika na Apple irimo usanga ibyo zikora biteranyirizwa mu Bushinwa.

Umuyobozi Mukuru wa Apple, Tim Cook atangaza ko bavuganye na Sosiyete zibafasha guteranya telefoni ngo bimurire ibikorwa byabo muri Amerika
IPhones zishobora gutangira gukorerwa muri Amerika mu minsi iri imbere

[email protected]


Kwamamaza

Kwamamaza
IZINDI NKURU WASOMA
TANGA IGITEKEREZO

ANDIKA ICYO UTEKEREZA KURI IYI NKURU

AMATEGEKO AGENGA IYANDIKA RY'IGITEKEREZO CYAWE:
Witandukira kubijyanye n'iyi nkuru; wikwandika ibisebanya, ibyamamaza cyangwa bivangura; wikwandika ibiteye isoni,
Wifuza kubona byihuse ibivugwa/ibisubizo ku gitekerezo cyawe, andika email yawe ahabugenewe.
Igitekerezo cyawe kigaragara nyuma y'isuzuma rikorwa na IGIHE.com
Ibi bidakurikijwe igitekerezo cyanyu gishobora kutagaragara hano cyangwa kigasibwa, Murakoze!
ANDIKA ICYO UTEKEREZA KURI IYI NKURU
Kwamamaza
IBITEKEREZO
Join Us

Socialize with Us
Contacts

Marketing
4546
Editor
078 827 26 21
Management
0788 74 29 08 / 0788 49 69 15

Emails: [email protected], [email protected]

Website Developped by

Uru Rubuga Ruheruka Gushyirwaho Amakuru Wednesday 7 Ukuboza 2016
Copyright © 2009 -2014 - IGIHE Ltd - All Rights Reserved