Kwamamaza

Amwe mu magambo yavuzwe n’abantu bakomeye mu gushyingura Shimon Peres

Yanditswe kuya 3-10-2016 saa 14:48' na Jean Pierre Tuyisenge


Kuwa Gatatu w’icyumweru gishize nibwo Isi yacitse ururondogoro kubera urupfu rw’intwari y’Abanya-Israel, Shimon Peres, benshi bafata nk’umubyeyi w’iki gihugu.

Uyu mukambwe watabarutse ku myaka 93 yamaze imyaka hafi 50 muri politiki ya Israel akaba yaragize imyanya inyuranye irimo Minisitiri w’Ingabo mu 1976 ubwo Abanyapalestine bayobyaga indege ikayoberezwa muri Uganda, nyuma aba Minisitiri w’Intebe na Perezida.

Kuwa Gatanu w’icyumweru gishize nibwo Peres yashyinguwe nk’intwari y’igihugu. Ni umuhango witabiriwe n’abantu bakomeye ku Isi barimo Perezida wa Leta Zunze Ubumwe za Amerika, Barack Obama.

Abanyacyubahiro benshi bagiye bagira icyo batangaza ku rupfu rwa Peres haba ku bikorwa bye, ubutwari n’ibindi.

Barack Obama

Perezida wa Leta Zunze Ubumwe za Amerika yagize ati “Anyibutsa izindi ntwari z’ikinyejana cya 20 nifuje guhura na zo: abagabo nka Nelson Mandera, abagore nk’umwamikazi Elizabeth, abayobozi babonye byinshi, abo ubuzima bwabo bwaciye mu bihe bikomeye.”

“Kwemera ko ejo hazaba heza nubwo byaba bigaragara ko bigoye bituma tutubaha Shimon Pers gusa ahubwo tukamukunda bifatika.”

“Shimon Peres yakoreye ibintu bihagije abantu basaga 1000 mu buzima bwe, gusa yahoraga yumva ko adakwiye kwita ku byashize ahubwo agahora atekereza ko inzozi ze zitarasohora zo kwimakaza amahoro hagati ya Israel n’ibihugu by’ibituranyi.”

Perezida Obama yagarutse kuri Perezida wa Palestine Mahmud Abbas wari wicaye ku ntebe y’imbere avuga ko “kuboneka kwe ari ikimenyetso kibutsa umushinga w’amahoro utararangira.”

Uwahoze ayobora Leta Zunze Ubumwe z’Amerika, Bill Clinton
Ati “Yatangiye ubuzima nk’umunyeshuri w’umuhanga wa Israel, aza kuba umwarimu mwiza, abusoje abaye umuntu ufite inzozi nziza.”

Minisitiri w’Intebe wa Israel, Benjamin Netanyahu
"Shimon yabayeho ubuzima bufite intego. Yageze ku bikorwa bihambaye. Yari umuntu ukomeye wa Israel n’uw’Isi. Israel yashenguwe na we, Isi yashenguwe na we ariko dufite icyizere ku bw’umurage we.”

Perezida wa Israeli, Reuven Rivlin
“Urupfu rwawe ni igihombo gikomeye ku gihugu, ni impera y’ubuzima bw’umuntu ukomeye wagize amateka akomeye mu buzima bwe ari na yo y’Abanyasiyoni na Israel muri rusange.”

Umukobwa we Tzvika Walden

“Data, wari umukunzi w’ubuzima bwose, yasimbukaga nk’intare buri gitondo kugirango yuzuze inshingano ze. Igihe kinini nagerageje kugukurikiza, ariko ubu umva amagambo y’urukundo rwanjye, wageze ku byiza, ukwiye iruhuko rihire.”

Umuhungu we Chemi Peres

“Wahoraga uhitamo ibishoboka byifuzwa na benshi bitewe n’amateka y’ahashize. Umurage udusigiye, ni Isi y’ejo hazaza. Nyakwigendera umwarimu wanjye, data na sogokuru. Tuzagera ikirenge mu byiza udusigiye.”

Peres yavutse mu 1923 muri Wisniew muri Pologne, ubu hitwa Vishnyeva ndetse haherereye muri Belarus. Yimukiye muri Palestine mu 1932, ari naho hatangirira inkuru ye mu mateka ya Israel.

Yatorewe bwa mbere kwinjira mu Nteko Ishinga Amategeko ya Israel, Knesset, mu 1959; ayobora muri guverinoma 12, harimo imwe yayoboye nka Perezida n’izindi ebyiri nka Minisitiri w’Intebe.


Kwamamaza

Kwamamaza
IZINDI NKURU WASOMA
TANGA IGITEKEREZO

ANDIKA ICYO UTEKEREZA KURI IYI NKURU

AMATEGEKO AGENGA IYANDIKA RY'IGITEKEREZO CYAWE:
Witandukira kubijyanye n'iyi nkuru; wikwandika ibisebanya, ibyamamaza cyangwa bivangura; wikwandika ibiteye isoni,
Wifuza kubona byihuse ibivugwa/ibisubizo ku gitekerezo cyawe, andika email yawe ahabugenewe.
Igitekerezo cyawe kigaragara nyuma y'isuzuma rikorwa na IGIHE.com
Ibi bidakurikijwe igitekerezo cyanyu gishobora kutagaragara hano cyangwa kigasibwa, Murakoze!
ANDIKA ICYO UTEKEREZA KURI IYI NKURU
Kwamamaza
IBITEKEREZO
Join Us

Socialize with Us
Contacts

Marketing
4546
Editor
078 827 26 21
Management
0788 74 29 08 / 0788 49 69 15

Emails: [email protected], [email protected]

Website Developped by

Uru Rubuga Ruheruka Gushyirwaho Amakuru Tuesday 6 Ukuboza 2016
Copyright © 2009 -2014 - IGIHE Ltd - All Rights Reserved