Amerika yihanganishije u Rwanda mu gihe cyo kwibuka Jenoside yakorewe Abatutsi

Yanditswe na Jean Pierre Tuyisenge
Kuya 8 Mata 2018 saa 12:57
Yasuwe :
3 3

Leta Zunze Ubumwe za Amerika zifatanyije n’Abanyarwanda mu kwibuka ku nshuro ya 24 abazize Jenoside yakorewe Abatutsi muri Mata 1994, yahitanye ubuzima bw’abasaga miliyoni mu mezi atatu.

Mu butumwa bwashyizweho umukono n’Umunyamabanga Wungirije wa Minisiteri y’Ububanyi n’Amahanga ya USA, John Joseph Sullivan, buvuga ko icyo gihugu cyifatanyije n’Abanyarwanda mu bihe byo kwibuka Jenoside yakorewe Abatutsi.

Yakomeje avuga ko Leta Zunze Ubumwe za Amerika ziha agaciro imikoranire zifitanye n’u Rwanda ndetse ko igihugu gishimishwa n’iterambere rwagize nyuma ya 1994.

Yakomeje agira riti “Dutewe ishema no gutera inkunga u Rwanda mu rugendo rwo kurwanya umuco wo kudahana, gukura Abanyarwanda mu bukene no kubaka ahazaza habo heza kandi huje amahoro.”

Amerika kandi yavuze ko yatewe ishema n’Abanyarwanda nka Mukasarasi Godelieve uherutse guhabwa igihembo na Amerika mu bagore 10 b’indashyikirwa wiyemeje guharanira umuco w’amahoro mu Rwanda.

Ati “Dufatira urugero ku butwari bwabo n’uburyo biyemeje guharanira ubutabera n’ubwiyunge.”

Mukasarasi Godelieve yatangije umuryango wita ku bapfakazi n’imfubyi za Jenoside witwa ‘SEVOTA’ yahembwe ku wa 25 Werurwe 2018 nk’umugore w’indashyikirwa mu muhango wabereye i Washington DC muri Leta zunze Ubumwe za Amerika.

Ku wa 7 Mata 2018, nibwo Abanyarwanda n’Isi batangiye kwibuka ku nshuro ya 24, abazize Jenoside yakorewe Abatutsi mu 1994. Insanganyamatsiko yo Kwibuka ku nshuro ya 24 Jenoside yakorewe Abatutsi, igira iti “Twibuke twiyubaka.”

Umunyamabanga Wungirije wa Minisiteri y’Ububanyi n’Amahanga ya USA, John Joseph Sullivan, yavuze ko igihugu cye cyifatanyije n’Abanyarwanda mu bihe byo kwibuka Jenoside yakorewe Abatutsi

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE

Kwamamaza

Kwamamaza