Amerika yemeje ko urukingo rwa AstraZeneca rwujuje ubuziranenge

Yanditswe na Ndahayo Emmanuel
Kuya 22 Werurwe 2021 saa 11:15
Yasuwe :
0 0

Igerageza rya gatatu ry’isuzuma ku rukingo rwa AstraZeneca ryari riri kubera muri Leta Zunze Ubumwe za Amerika, ryagaragaje ko uru rukingo rwujuje ubuziranenge bwose bukenewe kugira ngo rukingire indwara ya Covid-19, ndetse nta huriro ryagaragaye hagati yarwo n’ikibazo cyo kuvura kw’amaraso cyari cyatumye ruhagarikwa n’ibihugu bigera kuri 21.

Mu bantu 32 000 bakorewe ubushakashatsi kuri uru rukingo mu igerageza rya gatatu, kimwe cya gatanu cyabo ni abantu bari hejuru y’imyaka 65, ndetse abashakashatsi bo muri Kaminuza za Colombia na Rochester zo muri Amerika, bavuze ko rufite ubushobozi bwo kurinda abantu icyorezo cya Covid-19 ku kigero cya 79%, hashingiwe ku makuru yakusanyijwe mu bihugu birimo Peru, Chile na Amerika byakorewemo ubu bushakashatsi.

Byitezwe ko mu minsi iri imbere, uru rukingo ruza gutangira gukoreshwa muri Amerika, kuko icyo gihugu cyari gisanzwe gikoresha urukingo rwa Pfizer na Moderna. Kuba Amerika yemeje uru rukingo kandi ni inkuru nziza kuko byitezweho kwereka ibihugu byari byarahagaritse itangwa ryarwo ko rwizewe.

Mu cyumweru gishize, Ikigo Gishinzwe Kugenzura Imiti mu Burayi, EMA, cyari cyatangaje ko urukingo rwa AstraZeneca rwizewe ku rwego rwo hejuru, ndetse ko nta sano rufitanye n’indwara yo kuvura kw’amaraso yari yikanzweho guterwa n’urwo rukingo.

Amerika yemeje ko urukingo rwa AstraZeneca rifite ubuziranenge buhagije

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE
Kwamamaza

Special pages
. . . . . .