00:00:00 IGIHE NETWORK KN KINYARWANDA EN ENGLISH FR FRANCAIS

Amerika yashyizeho miliyoni 5 z’amadolari ngo hafatwe uwahoze ari umugaba w’ingabo za Guinea-Bissau

Yanditswe na IGIHE
Kuya 20 Kanama 2021 saa 11:37
Yasuwe :
0 0

Leta Zunze Ubumwe za Amerika zashyizeho igihembo cya miliyoni eshanu z’amadolari (hafi miliyari 5 Frw) ku muntu uzatanga amakuru azatuma hatabwa muri yombi Antonio Indjai wahoze ari umugaba mukuru w’ingabo za Guinea-Bissau.

Indjai yahiritse ubutegetsi mu 2012, abuvaho nyuma y’imyaka ibiri bujya mu maboko y’abasivile.

Mu 2013 Leta ya Amerika yamushinje uruhare mu bucuruzi bwa cocaine no kugurisha intwaro ku nyeshyamba zo muri Colombia.

Kuri uyu wa Kane, Minisiteri y’Ububanyi n’amahanga ya Amerika yatangaje ko guhera mu 2012, Indjai yafatiwe ibihano na Loni kubera uruhare rwe mu ihirikwa ry’ubutegetsi. Ibihano yahawe birimo ibyo kudakorera ingendo mu mahanga.

Indjai Amerika imufata nk’umwe mu bikomerezwa bikoresha ububasha bifite mu guteza umutekano muke mu mahanga.

Amerika ivuga ko uwo mugabo n’igihe yari akiri mu butegetsi bwa Guinea Bissau yakoranaga n’abanyabyaha.

Ntabwo aho aherereye hazwi ari yo mpamvu Amerika isaba amakuru kugira ngo atabwe muri yombi.

Antonio Indjai ashinjwa gukorana n'inyeshyamba zo muri Colombia no gucuruza ibiyobyabwenge

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE
Kwamamaza

Special pages
. . . . . .