Kwamamaza

Amerika: Hillary Clinton yasabye FBI ibisobanuro ku mpamvu y’igarurwa ry’ikibazo cya email

Yanditswe kuya 29-10-2016 saa 20:10' na Mukaneza M.Ange


Hillary Clinton wahoze ari Umunyamabanga wa Leta Zunze ubumwe za Amerika kuri ubu akaba yiyamamariza kuba Perezida yasabye Ibiro bishinzwe iperereza (FBI) kumuha ibisobanuro ku mpamvu yatumye bongera kubyutsa ikibazo cy’ubutumwa(email) burimo amabanga yakazi yabitse akoresheje mudasobwa ye bwite.

Ku wa Gatanu nibwo FBI yongeye kubyutsa iki kibazo nyuma y’uko hari hashize amezi arenze atatu hatangajwe ko nta kosa yakoze ubwo yoherezaga ubu butumwa hagati ya 2009 and 2013.

Hillary Clinton yavuze ko Abanyamerika bakeneye kumenya amakuru ya nyayo kandi yuzuye ku mpamvu zatumye iki kibazo cyongera kugarurwa.

Clinton yavuze ko yizeye neza ko muri iri perereza FBI igiye kongera gukora, ntacyo bazabona kirenze ibyagaragaye mu ryakozwe muri Nyakanga 2016.

Ushinzwe itangazamakuru mu biro bishinzwe kwamamaza Clinton, James Rubin yabwiye BBC ko FBI ishobora kuba yongeye kubyutsa iki kibazo kugira ngo itazanengwa n’ishyaka ry’aba-republicans nyuma y’amatora.

Ni mu gihe Donald Trump uhanganye na Clinton ku mwanya w’umukuru w’igihugu yemeza ko buri wese afite icyizere ko noneho ubutabera bugiye gutangwa kandi ko impamvu FBI yongeye kubyutsa iki kirego ari uko izi neza ko amakosa yakozwe akomeye.

FBI yo igaragaza ko impamvu yongeye kubyutsa iki kibazo mu gihe habura iminsi 11 gusa ngo amatora abe ari uko yabonye ubutumwa bushya bushobora gutuma ibyari byavuye mu iperereza mbere bihinduka.

Muri Werurwe 2015 nibwo New York Times yatangaje ko Hillary Clinton yakoresheje mudasobwa na email ye bwite mu kohereza ubutuma burebana n’akazi.

Nubwo icyo gihe atahise asaba imbabazi, nyuma yaje kuzisaba ndetse aho agiye kwiyamamaza hose akagaragaza ko yarengereye nubwo nta kibi yari agamije.

[email protected]


Kwamamaza

Kwamamaza
IZINDI NKURU WASOMA
TANGA IGITEKEREZO

ANDIKA ICYO UTEKEREZA KURI IYI NKURU

AMATEGEKO AGENGA IYANDIKA RY'IGITEKEREZO CYAWE:
Witandukira kubijyanye n'iyi nkuru; wikwandika ibisebanya, ibyamamaza cyangwa bivangura; wikwandika ibiteye isoni,
Wifuza kubona byihuse ibivugwa/ibisubizo ku gitekerezo cyawe, andika email yawe ahabugenewe.
Igitekerezo cyawe kigaragara nyuma y'isuzuma rikorwa na IGIHE.com
Ibi bidakurikijwe igitekerezo cyanyu gishobora kutagaragara hano cyangwa kigasibwa, Murakoze!
ANDIKA ICYO UTEKEREZA KURI IYI NKURU
Kwamamaza
IBITEKEREZO
Join Us

Socialize with Us
Contacts

Marketing
4546
Editor
078 827 26 21
Management
0788 74 29 08 / 0788 49 69 15

Emails: [email protected], [email protected]

Website Developped by

Uru Rubuga Ruheruka Gushyirwaho Amakuru Saturday 3 Ukuboza 2016
Copyright © 2009 -2014 - IGIHE Ltd - All Rights Reserved