Kwamamaza

Amerika: Hasohowe raporo y’uko igitero cyagabwe i San Bernardino cyagenze

Yanditswe kuya 11-09-2016 saa 15:17' na Niyonsenga Schadrack


Raporo igaragaza igitero cy’ubwiyahuzi cyagabwe n’umugabo n’umugore we i San Bernardino muri Leta ya California umwaka ushize yagaragaje uko abakozi batatu bo muri aka gace bashatse kubahagarika barasa urufaya rw’amasasu mu cyumba bagenzi babo bari baherereyemo.

Iyi raporo yasohotse kuwa Gatanu w’icyumweru gishize igaragaza ubwicanyi bwakozwe ubwo abakozi bashinzwe iby’ubutabazi bageragezaga guhagarika Syed Rizwan Farook n’umugore we Tashfeen Malik, bari bamaze gutangira kurasa urufaya rw’amasasu ku bakozi bagera kuri 80 bari mu birori bitegura iminsi mikuru ndetse n’amahugurwa mu by’ubuvuzi mu kigo cy’ubuzima cya Inland Regional Center i San Bernardino kuya 2 Ukuboza 2015. Iki gitero cyaguyemo abantu 14, abandi 24 bagakomereka.

Inzego z’ubuyobozi zatangaje ko aba bicanyi bombi Syed Rizwan Farook, w’imyaka 28 na Tashfeen Malik wa 27, bishwe barashwe mu mirasano na Polisi bivugwa ko bagendera ku matwara akaze y’idini y’idini ya islam.

Iyi raporo y’impapuro 141 yashyizwe hanze n’Umuryango utanga amahugurwa ya Polisi ivuga ko abakozi batatu bagerageje guhagarika ibyihebe barashwe ariko ntigaragaza niba bari mu mubare w’abasaga 14 baguye muri ubu bwicanyi.

Igaragaza kandi amakuru yatangajwe n’abinjiye bwa mbere mu cyumba cyabereyemo ubu bwicanyi.

Igira iti “ Byari bimeze nk’aho hatewe igisasu cy’inkazi. Benshi bari baryamye hasi harimo n’abafite ibisebe ndetse n’amaraso ari ahantu hose. Hari umunuko w’ibyuka by’amasasu byari byakwiriye mu cyumba.”

Yagaragaje ko abagabye igitero bari basize bateze igisasu cyagombaga guturika nyuma y’iminota mike, abakozi bashinzwe ubutabazi bari kwita ku nkomere.

Umuyobozi w’uyu muryango ukorana na Polisi, Jim Bueermann yavuze ko uburyo Polisi yitwaye ishaka guta muri yombi aba biyahuzi byarokoye ubuzima bwa benshi.

Reuters dukesha iyi nkuru itangaza ko Farook yari umwe mu baganga bakoraga muri iyi nyubako, yari n’umukozi ufasha abandi mu bijyanye na mudasobwa, ndetse agafatwa nk’umunyampuhwe, mu gihe umugore we Malik we avuka muri Pakistan.

Abapolisi bane bo muri San Bernardino batabaye nyuma y’iminota mike ubu bwicanyi butangiye, umu-Lieutenant wari wagiye gufata amafunguro ya saa sita yabuze uko yinjira kubera ibyuka byari byinshi mu nyubako.

Uwari uyoboye ibikorwa by’ubutabazi yabwiye abashinzwe ubutabera ko bagerageje gutabara rugikubita gusa ngo iyo baza kumenya mbere uburemere bw’ubu bwicanyi, bari kohereza itsinda ry’abapolisi benshi.

Yagize ati “ Twari tuzi akazi kacu ako ari ko, twari tuzi kandi n’icyo tugomba gukora, telefone yahamagaye iturutse muri San Bernardino nta tandukaniro ry’impuruza yari ifite, twumvise ko ari iya san Bernardino nk’agace gasanzwe kabamo ibyaha byinshi muri leta ya California.”

Icyakora ngo ku nshuro ya gatatu batabajwe nibwo polisi yamenye ko bikomeye, ubwo nibwo hoherejwe imodoka yuzuye abashinzwe umutekano.

Iki gitero ni kimwe mu bifatwa nk’ibikomeye cyabereye ku butaka bwa Amerika kuva kuya 11 Nzeli 2001 aho Al Qaeda yagabaga igitero kigahitana abantu 2 996, abasaga 6 000 barakomereka mu gihe imitungo ndetse n’ibikorwaremezo by’agaciro ka miliyari 10 z’amadorali byangiritse.

Polisi mu gikorwa cy'ubutabazi
Farook n'umugore we Malik bakekwaho ubwicanyi bwakorewe i San Bernardino
Imodoka aba bicanyi bajemo
Ubwo Polisi yageraga ahabereye ubwicanyi

Kwamamaza
IZINDI NKURU WASOMA
TANGA IGITEKEREZO

ANDIKA ICYO UTEKEREZA KURI IYI NKURU

AMATEGEKO AGENGA IYANDIKA RY'IGITEKEREZO CYAWE:
Witandukira kubijyanye n'iyi nkuru; wikwandika ibisebanya, ibyamamaza cyangwa bivangura; wikwandika ibiteye isoni,
Wifuza kubona byihuse ibivugwa/ibisubizo ku gitekerezo cyawe, andika email yawe ahabugenewe.
Igitekerezo cyawe kigaragara nyuma y'isuzuma rikorwa na IGIHE.com
Ibi bidakurikijwe igitekerezo cyanyu gishobora kutagaragara hano cyangwa kigasibwa, Murakoze!
ANDIKA ICYO UTEKEREZA KURI IYI NKURU
Kwamamaza
IBITEKEREZO
Join Us

Socialize with Us
Contacts

Marketing
4546
Editor
078 827 26 21
Management
0788 74 29 08 / 0788 49 69 15

Emails: [email protected], [email protected]

Website Developped by

Uru Rubuga Ruheruka Gushyirwaho Amakuru Sunday 25 September 2016
Copyright © 2009 -2014 - IGIHE Ltd - All Rights Reserved