Amb. Nkulikiyinka yatanze impapuro zimwemerera guhagarira u Rwanda muri Iceland

Yanditswe na Mukaneza M.Ange
Kuya 16 Werurwe 2017 saa 08:27
Yasuwe :
1 0

Ambasaderi Christine Nkulikiyinka yashyikirije Perezida wa Iceland, Guðni Thorlacius Jóhannesson, impapuro zimwemerera guhagararira u Rwanda muri iki gihugu.

Ku wa Gatatu tariki ya 15 Werurwe 2017, nibwo ambasaderi Nkulikiyinka ufite icyicaro muri Suède yatanze izi mpapuro.

Ubwo yakiraga izi mpapuro, Perezida Jóhannesson yashimye ibyo u Rwanda rumaze kugeraho nyuma ya Jenoside yakorewe Abatutsi mu 1994, anashima intambwe rwateye mu bijyanye no kubahiriza ihame ry’uburinganire.

Nk’uko The New Times yabitangaje, Ambasaderi Nkulikiyinka yagaragaje ko u Rwanda ruzungukira kuri Iceland ubumenyi mu bijyanye n’ingufu z’amashanyarazi.

Iceland ni cyo gihugu cyonyine ku mugabane w’u Burayi gikoresha 100%, umuriro w’amashanyarazi uturuka ku ngufu zisubira (renewable energy).

Muri 2014, Iceland yubatse urugomero rufite ubushobozi bwo gutanga Megawatt 1 986, aha hakaba ariho haturuka 72% by’umuriro wose ukoreshwa muri iki gihugu gituwe n’abaturage babarirwa mu bihumbi 300 gusa.

Ambasaderi Christine Nkulikiyinka na Perezida wa Iceland, Guðni Thorlacius Jóhannesson

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE

Kwamamaza

Kwamamaza


Warning: mysqli_query(): (HY000/1194): Table 'spip_jobs' is marked as crashed and should be repaired in /home/lex94/public_html/ecrire/req/mysql.php on line 244