Kwamamaza

Amashusho ya Trump washatse gusambanya umugore, yirukanishije mubyara wa Bush

Yanditswe kuya 18-10-2016 saa 20:48' na Cyprien Niyomwungeri


Televiziyo ya NBC yo muri Leta Zunze Ubumwe za Amerika, yirukanye umunyamakuru Billy Bush wakoraga ikiganiro ‘Today’, azira kugaragara mu mashusho ubwo umukandida Donald Trump yavugaga ku bagore mu mwaka wa 2005.

Amashusho y’iminota itatu aherutse gushyirwa ahagaragara n’ikinyamakuru The Washington Post, yafashwe muri 2005 ubwo Trump yakoraga ikiganiro ‘The Apprentice’ kuri NBC naho Bush agakora kuri Televiziyo y’imyidagaduro yitwa ‘Access Hollywood’.

Yagaragaje ikiganiro cya Trump n’itsinda bari kumwe mu modoka ryarimo na Bush, amajwi afatwa na mikoro ihishe.Trump yumvikana avuga uko yashatse kuryamana n’umugore ufite umugabo, nubwo avuga ko atabigezeho kandi yari azi neza ko uwo mugore yashatse.

Yumvikana kandi avuga ko iyo akuruwe n’abeza (abagore) ahita abasoma, nta gutegereza, bikaba nka rukuruzi, ndetse abari muri iyo modoka bakumvikana bamwogeza ndetse harimo n’abaseka.

Trump ati “Kandi iyo uri icyamamare barakureka ukabikora. Wakora ikintu icyo aricyo cyose, gufata ku gitsina, wakora icyo aricyo cyose.’’

Muri ayo mashusho Bush yumvikana aseka nyuma y’amagambo yari avuzwe na Trump.

Mu myaka 11 yari ishize ayo mashusho yabitswe na Access ntihagira uyabona n’uyumva, umwe mu bakozi yaje kuyagwaho Access na NBC biyemeza gutangira kuyatunganya ngo bayakoremo inkuru. Mu gihe itarasohoka, hari uwayabibye ayashyira The Washington Post iyatangaza kuwa 7 Ukwakira 2016.

Nyuma yo gushyirwa ahagaragara Bush yasabye imbabazi avuga ko atewe ikimwaro no kuba ayo mashusho yarafashwe.

Ejo kuwa Mbere umugore wa Trump, yikomye Bush avuga ko yamushukiye umugabo akamushora mu kiganiro cy’uduhungu duto, agatangazwa n’uburyo batibutse kuzimya mikoro.

Billy Bush w’imyaka 44 ni mubyara w’uwahoze ari Perezida George W.Bush.
Amashusho akimara kujya hanze yagize ati “Ndashimira byimazeyo ibiganiro nagiranye n’abakobwa banjye n’ubufasha bwose bw’umuryango wanjye inshuti n’abavandimwe. Ntegereje ikizakurikira.”

Yari amaze amezi abiri akora ikiganiro Today gihita saa tatu za mu gitondo kuri Televiziyo ya NBC.

Umuyobozi mukuru w’ikiganiro Today, Noah Oppenheim yagize iti “Yari mushyashya mu kiganiro Today, ariko yari amaranye igihe na NBC. Turamwifuriza ishya n’ihirwe.”
NBC igomba kwishyura Bush amadolari y’igihe yari asigaranye ku masezerano ye ya miliyoni eshatu z’amadolari ku mwaka.

Billy Bush wakoraga ikiganiro ‘Today’, yirukanwe azira kugaragara mu mashusho ubwo umukandida Donald Trump yavugaga ku bagore mu mwaka wa 2005.

Kwamamaza

Kwamamaza
IZINDI NKURU WASOMA
TANGA IGITEKEREZO

ANDIKA ICYO UTEKEREZA KURI IYI NKURU

AMATEGEKO AGENGA IYANDIKA RY'IGITEKEREZO CYAWE:
Witandukira kubijyanye n'iyi nkuru; wikwandika ibisebanya, ibyamamaza cyangwa bivangura; wikwandika ibiteye isoni,
Wifuza kubona byihuse ibivugwa/ibisubizo ku gitekerezo cyawe, andika email yawe ahabugenewe.
Igitekerezo cyawe kigaragara nyuma y'isuzuma rikorwa na IGIHE.com
Ibi bidakurikijwe igitekerezo cyanyu gishobora kutagaragara hano cyangwa kigasibwa, Murakoze!
ANDIKA ICYO UTEKEREZA KURI IYI NKURU
Kwamamaza
IBITEKEREZO
Join Us

Socialize with Us
Contacts

Marketing
4546
Editor
078 827 26 21
Management
0788 74 29 08 / 0788 49 69 15

Emails: [email protected], [email protected]

Website Developped by

Uru Rubuga Ruheruka Gushyirwaho Amakuru Friday 9 Ukuboza 2016
Copyright © 2009 -2014 - IGIHE Ltd - All Rights Reserved