Kwamamaza

Alain Juppé ushinjwa uruhare muri Jenoside mu Rwanda, arakekwako kwanga Abayahudi

Yanditswe kuya 13-11-2016 saa 17:57' na Cyprien Niyomwungeri


Mu gihe mu Bufaransa bitegura amatora y’ibanze yo kumenya uzahagararira ishyaka ry’Aba-Républicain (Les Républicains) mu matora y’Umukuru w’iki gihugu mu 2017, ibitero byatangiye kugabwa kuri Alain Juppé, umwe mu bahabwa amahirwe yo kurenga iki cyiciro.

Hashize ibyumweru bike Alain Juppé usigaye ayobora umujyi wa Bordeaux, avugwaho gucudika n’abahezanguni b’abayisilamu ndetse no kugirira urwango Abayahudi. Ibi bituma hari abamubonamo kuzashyigikira amatwara y’abo bahezanguni igihe yaba atorewe kuyobora u Bufaransa muri 2017.

Ku mbuga nkoranyambaga no ku mbuga z’amakuru z’abo bahezanguni, usanga uyu wahoze ari Minisitiri w’Intebe ku butegetsi bwa Jacques Chirac baramwise Ali Juppé ndetse ngo afite umubano udasanzwe na Imam wo muri Bordeaux,Tareq Oubrou, bituma hibazwa ko amatwara ye ahuje n’ay’abahezanguni b’abayisilamu.

Nkuko Huffington Post ibitangaza, mu nama yabereye mu mujyi wa Bordeaux ayobora ku wa 9 Ugushyingo uyu mwaka, ikitabirwa n’abagera ku 3000, Alain Juppé yahatiwe kugira icyo atangaza ku byo avugwaho. Yavuze ko ari abashaka kumuharabika kuko amatora y’ibanze yegereje.

Yagize ati “Ubu barimo kunshinja ubuhezanguni no kwanga Abayahudi. Biteye isoni ku bavuga ibinyoma, ni ikimwaro ku basebanya, ni isoni ku babaswe n’ibitekerezo by’ubuhezanguni n’ababashyigikiye.” Alain Juppé yasoje avuga ko azaguma ari uw’agaciro.

Uyu Juppé ni we ufite amahirwe menshi yo kuba Perezida w’u Bufaransa mu matora ataha mu gihe yaba abashije gutorwa mu y’ibanze y’ishyaka ry’aba-Républicains.

Juppé uvugwaho gucudika n’abahezanguni bo mu idini ya Islam no kwanga Abayahudi, anashinjwa n’u Rwanda kugira uruhare rukomeye muri Jenoside yakorewe Abatutsi mu 1994 ubwo yari Minisitiri w’Ububanyi n’Amahanga w’u Bufaransa.

Uyu mugabo w’imyaka 71, wanabaye Minisitiri w’Intebe kuva mu 1995 kugeza 1997, ashinjwa n’u Rwanda kuba hari ibyemezo byinshi yagiye afata, byagize uruhare rukomeye mu gutiza umurindi Jenoside yakorewe Abatutsi mu 1994, igahitana abasaga miliyoni.

Uyu muyobozi akunda kugaragara cyane mu nyandiko zipfobya Jenoside yakorewe Abatutsi. Urugero ni nk’aho aherutse kwandimo ko ‘‘gushinja u Bufaransa uruhare muri Jenoside ari ipfunwe no kugoreka amateka.’’

Ubucuti Juppé afitanye na Tareq Oubrou butuma bavuga ko afite amatwara y'ubuhezanguni

Kwamamaza

Kwamamaza
IZINDI NKURU WASOMA
TANGA IGITEKEREZO

ANDIKA ICYO UTEKEREZA KURI IYI NKURU

AMATEGEKO AGENGA IYANDIKA RY'IGITEKEREZO CYAWE:
Witandukira kubijyanye n'iyi nkuru; wikwandika ibisebanya, ibyamamaza cyangwa bivangura; wikwandika ibiteye isoni,
Wifuza kubona byihuse ibivugwa/ibisubizo ku gitekerezo cyawe, andika email yawe ahabugenewe.
Igitekerezo cyawe kigaragara nyuma y'isuzuma rikorwa na IGIHE.com
Ibi bidakurikijwe igitekerezo cyanyu gishobora kutagaragara hano cyangwa kigasibwa, Murakoze!
ANDIKA ICYO UTEKEREZA KURI IYI NKURU
Kwamamaza
IBITEKEREZO
Join Us

Socialize with Us
Contacts

Marketing
4546
Editor
078 827 26 21
Management
0788 74 29 08 / 0788 49 69 15

Emails: [email protected], [email protected]

Website Developped by

Uru Rubuga Ruheruka Gushyirwaho Amakuru Thursday 8 Ukuboza 2016
Copyright © 2009 -2014 - IGIHE Ltd - All Rights Reserved